ఇబ్రహీంపట్నం, జూన్ 9 : తెలంగాణ వ్యాప్తంగా ఆదివారం నిర్వహించిన గ్రూప్ -1 పరీక్షకు ఇబ్రహీంపట్నం డివిజన్లో 25 కేంద్రాల్లో పరీక్ష నిర్వహించారు. ఇబ్రహీంపట్నం డివిజన్ పరిధిలోని ఆయా పాఠశాలలు, కళాశాలల్లో ఈ పరీక్ష జరిగింది. డివిజన్లో 25 పరీక్షా కేంద్రాలకు గానూ 15912మంది అభ్యర్థులు హాజరు కావల్సి ఉండగా, 12295మంది హాజరయ్యారు.
3617మంది గైర్హాజరైనట్లు తెలిపారు. పరీక్ష కేంద్రాల వద్ద ఎలాంటి ఇబ్బందులు తలెత్తకుండా పోలీసుశాఖ ఆధ్వర్యంలో 144సెక్షన్ అమలులో ఉంచారు. ఇబ్రహీంపట్నం సమీపంలోని సెంటర్లో 3నిమిషాలు ఆలస్యగా వచ్చిన ఓ యువతిని లోపలికి అనుమతించలేదు. దీంతో యువతి కంటతడి పెట్టారు.