షాబాద్, జూన్ 1 : చేవెళ్ల లోక్సభ ఎన్నిక ఓట్ల లెక్కింపునకు ఏర్పాట్లు పూర్తి చేసినట్లు రిటర్నింగ్ అధికారి, రంగారెడ్డి కలెక్టర్ శశాంక అన్నారు. శనివారం చేవెళ్ల మండలం, గొల్లపల్లి గ్రామంలోని బండా రి శ్రీనివాస్ ఇనిస్టిట్యూట్ ఆఫ్ టెక్నాలజీ కళాశాలలో ఏర్పాటు చేసిన కౌంటింగ్ సెంటర్లోని కంట్రోల్ రూంలో రంగారెడ్డి కలెక్టర్ శశాంక, వికారాబాద్ కలెక్టర్ నారాయణరెడ్డి, సైబరాబాద్ పోలీస్ కమిషనర్ అవినాశ్ మహంతిలతో కలిసి కౌంటింగ్ నిర్వహణపై సంబంధిత ఏఆర్వోలు, నోడ ల్ అధికారులతో సమీక్ష నిర్వహించారు. ఈ సందర్భంగా కలెక్టర్ శశాంక మాట్లాడుతూ..
ఈ నెల 4న జరుగనున్న చేవెళ్ల లోక్సభ ఓట్ల లెక్కింపునకు అన్ని ఏర్పాట్లు పూర్తి చేశామన్నారు. కౌంటింగ్ కేంద్రంలోకి ఎలాంటి వస్తువులు, మొబైల్ ఫోన్లకు అనుమతి లేదన్నారు. ఉదయం 8 గంటలకు కౌంటింగ్ ప్రక్రియ ప్రారంభమవుతుందని, మొదట పోస్టల్ బ్యాలెట్ ఓట్లను లెక్కిస్తారన్నారు. కౌంటింగ్ కేం ద్రం వద్ద మూడంచెల భద్రత ఉన్నదన్నారు. ప్రతి కౌంటింగ్ టేబుల్ వద్ద ఓ కౌంటింగ్ సూపర్వైజర్, కౌంటింగ్ అసిస్టెంట్, మైక్రోఅబ్జర్వర్ ఉంటారని, రాజకీయ పార్టీల ఏజెంట్ల సమక్షంలో జూన్ 4న ఉదయం స్ట్రాంగ్ రూములను ఓపెన్ చేస్తామన్నా రు.
ఓట్ల లెక్కింపు కోసం మహేశ్వరం, రాజేంద్రనగర్, శేరిలింగంపల్లి అసెంబ్లీ నియోజకవర్గాలకు సం బంధించి 28 టేబుళ్లు, మిగతా నాలుగు అసెంబ్లీ నియోజకవర్గాలైన చేవెళ్ల, పరిగి, వికారాబాద్, తాండూరులకు 14 చొప్పున టేబుళ్లను ఏర్పా టు చేస్తున్నామని ఆయన వివరించారు. ఈవీఎంల ఓట్ల కౌంటింగ్ ఉదయం 8గంటలకు ప్రారంభమవుతుందని, అబ్జర్వర్ సమక్షంలో ఐదు వీవీ ప్యాట్ల ను ర్యాండమ్గా ఎంపిక చేసి స్లిప్పులను లెక్కిస్తారని తెలిపారు. ఓట్ల లెక్కింపునకు కౌంటింగ్ సిబ్బందిని, ఇతర సిబ్బందిని నియమించామన్నారు. ప్రతి రౌం డ్ పూర్తి కాగానే ఎంకోర్ యాప్లో వివరాలను ఎప్పటికప్పుడు నమోదు చేయాలన్నారు. ఓట్ల లెక్కింపు సజావుగా జరిగేలా పకడ్బందీ చర్యలు చేపట్టామన్నారు. తెలిపారు. ఈ సమీక్షలో ఏఆర్వోలు, నోడ ల్ అధికారులు, ఎన్నికల విభాగం అధికారి సైదు లు, సంబంధిత శాఖల అధికారులు పాల్గొన్నారు.