షాబాద్, మే 3: పార్లమెంటు ఎన్నికల నిర్వహణలో భాగంగా ప్రతి ఒక్కరూ ఓటు హక్కు వినియోగించుకునేలా అన్ని చర్యలు తీసుకుంటున్నట్లు చేవెళ్ల పార్లమెంట్ నియోజకవర్గ ఎన్నికల రిటర్నింగ్ అధికారి, రంగారెడ్డి కలెక్టర్ శశాంక శుక్రవారం ఒక ప్రకటనలో తెలిపారు.
చేవెళ్ల పార్లమెంట్ నియోజకవర్గ పరిధిలో ఉన్న దివ్యాంగులు, సీనియర్ సిటిజన్ ఓటర్లు ఓటు హక్కును వినియోగించుకునేలా హోం ఓటింగ్ ఫెసిలిటీ ఏర్పాటు చేశామని తెలిపారు. 54 టీంలతో ఈ నెల 4వ తేదీ నుంచి 6వ తేదీ వరకు హోం ఓటింగ్ జరుగుతుందని పేర్కొన్నారు. చేవెళ్ల పార్లమెంటు నియోజకవర్గంలో ఏవీఎస్సీ 695, ఏవీపీడీ 420 ఓటర్లు ఉండగా, 1115 మంది ఓటర్లు తమ ఓటు హక్కును ఈ హోం ఓటింగ్ ద్వారా వినియోగించుకోనున్నారని తెలిపారు.