రంగారెడ్డి, జూలై 24 (నమస్తే తెలంగాణ) : సీజనల్ వ్యాధులపై అప్రమత్తంగా ఉండాలని.. వాటి నివారణకు ముందస్తు జాగ్రత్తలు తీసుకోవాలని రంగారెడ్డి కలెక్టర్ శశాంక అధికారులకు సూచించారు. వన మహోత్సవం, మహిళా శక్తి క్యాంటీన్లు, సీజనల్ వ్యాధులపై కలెక్టర్ శశాంక బుధవా రం వీడియో కాన్ఫరెన్స్ ద్వారా మండల అధికారులు, స్పెషల్ అధికారులతో సమీక్ష నిర్వహిం చారు.
ఈ సందర్భంగా ఆయన మాట్లాడుతూ వనమహోత్సవంలో మొకలు నాటేలా చర్యలు చేపట్టాలని సంబంధిత శాఖ అధికారులకు సూ చించారు. మండల అధికారులు, గ్రామస్థాయి స్పెషల్ అధికారులు ఎల్లప్పుడు అందుబాటులో ఉండి గ్రామాల్లో రోజువారీగా నిర్వహించే పనులను విధిగా చేయించాలని.. తాగునీరు, వీధిదీపాలు, పారిశుధ్యంపై ప్రతిరోజూ నివేదికలు పం పించాలని డీపీవోకు ఆయన సూచించారు.
అధికారులు గ్రామాల వారీగా సందర్శించాలన్నారు. వైద్యారోగ్యశాఖతోపాటు మున్సిపల్, పంచాయతీరాజ్ తదితర శాఖలు కూడా పరస్పర సమ న్వయంతో పనిచేస్తూ, సీజనల్ వ్యాధుల నివారణకు కృషి చేయాలన్నారు. సీజనల్ వ్యాధులు సోకకుండా ప్రజలకు అవగాహన కల్పించాలన్నా రు. పారిశుధ్య కార్యక్రమాలను క్రమం తప్పకుం డా చేపట్టాలని.. ఎకడైనా నీరు నిల్వ ఉన్నట్లు గమనిస్తే ఆయిల్బాల్స్ వేయాలని, దోమలు వ్యా ప్తి చెందకుండా ఫాగింగ్ చేయించాలన్నారు.
ప్రతి ప్రాథమిక ఆరోగ్య కేంద్రంలో సీజనల్ వ్యాధుల నివారణకు సంబంధించిన మందులను అందుబాటులో ఉంచాలని, వ్యాధుల పరిస్థితిపై రోజువారీగా నివేదికలు సమర్పించాలని ఆదేశించారు. డెంగీ కేసు నమోదైన ప్రాంతాలపై ప్రత్యేక దృష్టి కేంద్రీకరించి తక్షణమే నివారణ చర్యలు చేపట్టా లని, పరిస్థితిని ఉన్నతాధికారులకు తెలియజేయాలన్నారు. ప్రతి శుక్రవారం డ్రై డే నిర్వహించాల ని, అన్ని ఇండ్లు, సంస్థల్లో కార్యక్రమాన్ని చేపట్టి, నిల్వ ఉన్న నీటిని బయట పారబోసి దోమలు వ్యాప్తి చెందకుండా జాగ్రత్తలు తీసుకోవాలన్నా రు.
జిల్లాలో మహిళా శక్తి క్యాంటీన్లను ఏర్పాట్లు చేయాలని, మైక్రోఎంటర్ప్రైజెస్, మీ సేవా కేం ద్రాలు, స్టిచింగ్, మహిళా శక్తి క్యాంటీన్, జిల్లా, మండలం, గ్రామాల వారీగా మహిళా సమైక్య సంఘాల గ్రూపులను ఏర్పాటు చేయాలన్నారు. మహిళాశక్తి క్యాంటీన్ల ఏర్పాటు పారదర్శకంగా ఉండాలన్నారు. సమావేశంలో అదనపు కలెక్టర్ ప్రతిమాసింగ్, జిల్లా గ్రామీణాభివృద్ధి శాఖ అధికారిణి శ్రీలత, జడ్పీ సీఈవో కృష్ణారెడ్డి, డీపీవో సురేశ్మోహన్, పరిశ్రమల శాఖ అధికారిణి శ్రీలక్ష్మి, సంక్షేమ శాఖ అధికారిణి పద్మజారమణ, జిల్లా గిరిజన సంక్షేమ శాఖ అధికారిణి రామేశ్వరీదేవి, అటవీ జిల్లా అధికారి సుధాకర్ రెడ్డి, సంబంధిత శాఖల అధికారులు పాల్గొన్నారు.
ఏరియా దవాఖాన ఆకస్మిక తనిఖీ
వనస్థలిపురంలోని ఏరియా దవాఖానను కలెక్టర్ శశాంక ఆకస్మిక తనిఖీ చేశారు. ఈ సందర్భంగా ఆయన ఆస్పత్రిలోని వైద్య సిబ్బంది, రోగులకు సంబంధించిన వార్డులను పరిశీలించారు. పారింగ్ సమస్య దృష్టికి రావడంతో వెంటనే పారింగ్ సమస్యను పరిషరించాలని తహసీల్దార్కు సూచించారు. విధుల నిర్వహణలో సిబ్బందికి వసతులు కల్పించాలని ఏరియా దవాఖాన అధికారులను కలెక్టర్ ఆదేశించారు. దవాఖానలోని సీవరేజ్, డ్రింకింగ్ వాటర్ సమస్యలను పరిష్కరించాలని హైదరాబాద్ మెట్రో వాటర్ సప్లయ్, సీవరేజ్ బోర్డు అధికారులకు చెప్పామన్నారు.
అదేవిధంగా లిఫ్టు మరమ్మతులు, మరుగుదొడ్లు, అదనపు గదుల నిర్మాణం, సిటీసాన్ను అందుబాటులోకి తీసుకొ చ్చేందు కు టీఎస్ఎంఐడీసీ అధికారులతో చర్చించినట్లు తెలిపారు. మహేశ్వరం మెడికల్ కాలేజీకి సంబంధించిన డాక్టర్లు, ప్రొఫెసర్లు వారి సమస్యలను కలెక్టర్ దృష్టికి తీసుకురాగా.. వాటిని పరిష్కరిస్తామన్నారు.
మహేశ్వరం మెడికల్ కాలేజ్ నిర్వహణ కోసం చేపడుతున్న పనులను ఈ సందర్భంగా కలెక్టర్, ఇబ్రహీంపట్నం ఆర్డీవో, టీఎస్ఎంఐడీసీ అధికారులు, మండల అధికారుల బృందంతో పరిశీలించారు. కలెక్టర్ వెంట డీఎంహెచ్వో డాక్టర్ వెంకటేశ్వరరావు, జిల్లా ఆసుపత్రుల సమన్వయ అధికారి డాక్టర్ రాజుయాదవ్, హయత్ నగర్ తహసీల్దార్, డాక్టర్లు, వైద్య సిబ్బంది ఉన్నారు.