కంఠేశ్వర్, జూన్ 3: ప్రపంచ వ్యాప్తంగా పేరొందిన కాకతీయ కళాతోరణం, చార్మినార్ గుర్తులను తెలంగాణ రాజముద్ర నుంచి తొలగించడం రాష్ట్ర ప్రజల్ని అవమానించడమేనని మాజీ ఎమ్మెల్యేలు బాజిరెడ్డి గోవర్ధన్, బిగాల గణేశ్ గుప్తా అన్నారు. తెలంగాణ ఆవిర్భావ వేడుకల ముగింపు సందర్భంగా నిజామాబాద్ నగరంలోని బీఆర్ఎస్ పార్టీ కార్యాలయంలో సోమవారం జాతీయ జెండా, పార్టీ జెండాను ఆవిష్కరించారు. అనంతరం వారు మాట్లాడుతూ సీఎం రేవంత్రెడ్డి తెలంగాణ ప్రజలను చిన్నచూపు చూస్తున్నారని అన్నారు. తెలంగాణ చరిత్ర ఆనవాళ్లు లేకుండా చేసేందుకు రాజముద్రను తయారు చేస్తున్నారని మండిపడ్డారు. సీఎంకు రాజకీయంపై ఉన్న ప్రేమ.. పాలన మీద లేదని అన్నారు. పాలనపై ప్రేమ ఉంటే రైతుల గురించి ఆలోచించేవాడని, ఇప్పటి వరకు రైతుబంధు, భరోసా ఇవ్వకుండా రైతుల ఆత్మహత్యలకు కారణమవుతున్నారని తెలిపారు. పార్లమెంట్ ఎన్నికల్లో బీఆర్ఎస్ భారీ మెజార్టీతో గెలువబోతున్నదని అన్నారు. కార్యక్రమంలో మేయర్ దండు నీతూకిరణ్, సిర్ప రాజు, నుడా మాజీ చైర్మన్ ప్రభాకర్రెడ్డి, బీఆర్ఎస్ నేతలు సుజిత్సింగ్ ఠాకూర్, సత్యప్రకాశ్, ఎనగందుల మురళి తదితరులు పాల్గొన్నారు.