సుభాష్నగర్, జనవరి 25: నిజామాబాద్ జిల్లాకు చెందిన ప్రముఖ చరిత్ర పరిశోధకుడు కందకుర్తి యాదవ్రావు జాతీయస్థాయి పురస్కారం అందుకోగా.. ఎమ్మెల్సీ కవిత అభినందించారు. హైదరాబాద్ గచ్చిబౌలిలో మౌలానా అబుల్ కలామ్ ఆజాద్ నేషనల్ ఉర్దూ విశ్వవిద్యాలయంలో బుధవారం రాత్రి నిర్వహించిన తెలంగాణ హిస్టరీ కాంగ్రెస్ సమావేశంలో యాదవ్రావు పలు చారిత్రక అంశాలపై సుదీర్ఘ ప్రసంగం చేశారు.
ఈ సందర్భంగా వర్సిటీ ఉపకులపతి ఆచార్య సయ్యద్ హిదుల్ హసన్, ప్రతినిధులు రాధికా శేషన్, అర్జున్రావు తదితరులు యాదవ్రావుకు జాతీయస్థాయి పురస్కారం ప్రదానం చేశారు. నిజామాబాద్ బిడ్డ కందకుర్తి యాదవ్రావుకు జాతీయ పురస్కారం రావడం సంతోషంగా ఉందని, రాష్ర్టానికి,జిల్లాకు గర్వకారణమని ఎమ్మెల్సీ కవిత పేర్కొన్నారు. జిల్లా ప్రజలు, తన తరఫున యాదవ్రావుకు ట్విట్టర్ వేదికగా శుభాకాంక్షలు తెలిపారు.