భీమ్గల్/మెండోరా (ముప్కాల్)/బాల్కొండ, మే 10 : ప్రజలకు ఇచ్చిన హామీలను అమలుచేయడంలో బీజేపీ, కాంగ్రెస్ పూర్తిగా విఫలమయ్యాయని, ఆ పార్టీలకు ఓటుతో బుద్ధి చెప్పాలని మా జీ మంత్రి, ఎమ్మెల్యే వేముల ప్రశాంత్రెడ్డి పిలుపునిచ్చారు. శుక్రవారం ఆయన భీమ్గల్ మండలం పల్లికొండ, ముచ్కూర్, మెండోరా మండలంలోని బుస్సాపూర్, బాల్కొండ మండలం చిట్టాపూర్ గ్రామా ల్లో బీఆర్ఎస్ అభ్యర్థి బాజిరెడ్డి గోవర్ధన్కు మద్దతుగా ఎన్నికల ప్రచారం నిర్వహించారు. ఈ సందర్భంగా వేముల మాట్లాడుతూ.. అడ్డగోలు హామీ లు ఇచ్చి అధికారంలోకి వచ్చిన కాంగ్రెస్ పార్టీ.. గ్యారెంటీలతో గారడి చేస్తున్నదని విమర్శించారు. మార్పు కావాలి, మార్పు రావాలంటూ అలవికాని హామీ లు ఇచ్చి కాంగ్రెస్ పార్టీ అధికారంలోకి వచ్చిందన్నారు. ధాన్యం కొనుగోలు, సాగు, తాగునీటి ఇబ్బందులు ఏర్పడడంలో మార్పు వచ్చిందని తెలిపారు. కాంగ్రెస్ అధికారంలోకి వచ్చి 150 రోజులు దాటినా మహిళలు, యువకులు, రైతులకు ఇచ్చిన హామీలు మాత్రం అమలుకావడంలేదన్నారు. సీఎం రేవంత్రెడ్డి దేవుడి మీద ఒట్లతో ప్రజలను మభ్యపెడుతూ రోజులు గడుపుతున్నారని అన్నారు.
పదేండ్లలో కేసీఆర్ అనేక సంక్షేమ పథకాలు అమలుచేసి, అభివృద్ధి పనులు చేపట్టినా ప్రజలు కాంగ్రెస్ అబద్ధపు హామీలను నమ్మి బీఆర్ఎస్కు ప్రతిపక్ష పాత్ర ఇచ్చారని అన్నారు. ప్రజా తీర్పును స్వీకరించి ప్రజల పక్షాన ఉండి కాంగ్రెస్ పార్టీ ఇచ్చిన హామీల అమలు కోసం పోరాడుతామన్నారు. కాంగ్రె స్ అభ్యర్థి జీవన్రెడ్డి ఎమ్మెల్సీగా ఉండి ఏనా డు మన గ్రామాల్లో పర్యటించలేదన్నారు. ఐదేండ్లు ఎంపీగా ఉన్న ప్రస్తుత బీజేపీ అభ్యర్థి అర్వింద్ ఐదు రోజుల్లో పసుపుబోర్డు తీసుకొస్తానని, యువతకు స్కిల్ డెవలప్మెంట్ సెంటర్ ఏర్పాటు చేసి ఉద్యోగావకాశాలు కల్పిస్తానని చెప్పి మోసం చేశాడని మండిపడ్డారు. గ్రామాల అభివృద్ధికి ఒక్క రూపాయి కూడా తీసుకురాలేని అర్వింద్కు తగిన బుద్ధి చెప్పాలని పిలుపునిచ్చారు. ప్రజల పక్షాన నిలబడే ఏకైక పార్టీ బీఆర్ఎస్ అని అన్నారు. బీఆర్ఎస్ అభ్యర్థి బాజిరెడ్డిని గెలిపించి తనకు తోడుగా బలం ఇవ్వాలని, ఇద్దరం కలిసి ప్రజల పక్షాన హామీల అమలు కోసం కాంగ్రెస్, బీజేపీ ప్రభుత్వాల మెడలు వంచుతామని పేర్కొన్నారు.