బాన్సువాడ, జూన్ 9: బాన్సువాడ డివిజన్ కేంద్రంలోని పీఎస్ఆర్ మల్టీజనరేషన్ పార్కును మాజీ స్పీకర్, ఎమ్మెల్యే పోచారం శ్రీనివాసరెడ్డి శనివారం రాత్రి సందర్శించారు. పార్కులో చిన్నారులతో కలిసి సరదాగా గడిపారు. సందర్శకులతో మాట్లాడి వారి యోగక్షేమాలు తెలుసుకొన్నారు. ఆహ్లాదం పంచడానికి పార్కును ఏర్పాటు చేయడంతోపాటు బాన్సువాడ పట్టణాన్ని అభివృద్ధి చేసిన పోచారం శ్రీనివాసరెడ్డికి సందర్శకులు ధన్యవాదాలు తెలిపారు. పోచారం వెంట మున్సిపల్ చైర్మన్ జంగం గంగాధర్, రైతుబంధు సమితి జిల్లా కన్వీనర్ డాక్టర్ అంజిరెడ్డి, ఏఎంసీ మాజీ చైర్మన్ నార్ల రవీందర్ గుప్తా, కౌన్సిలర్ దొన్కంటి వెంకటేశ్, దావుద్ తదితరులు ఉన్నారు.