సిరికొండ, జూలై 11: వర్షాలు సమృద్ధిగా కురవాలని కోరుతూ సిరికొండ మండలంలోని తాళ్లరామడుగు గ్రామంలో వీడీసీ ఆధ్వర్యంలో కప్పతల్లి ఆటలు ఆడారు. గ్రామంలో పెద్దలు, చిన్నారులు రోకలికి కప్పలను కట్టి ఇంటింటికీ తిరుగుతూ నృత్యాలు చేశారు. మహిళలు హారతులు పట్టి కప్పలకు స్నానం చేయించారు. ఈ సంవత్సరం వర్షాలు సమృద్ధిగా కురిసి పంటలు బాగా పండాలని కప్పతల్లి ఆట ఆడినట్లు వీడీసీ సభ్యులు తెలిపారు. కార్యక్రమంలో వీడీసీ సభ్యులు నాగుల లింబాద్రి, కుందెళ్ల శ్రీనివాస్, బొక్కల దత్తాద్రి, జాకీర్ హుస్సేన్, చిన్న సాయిలు, సురేశ్, మహేందర్, రాంచందర్ తదితరులు పాల్గొన్నారు