కేసీఆర్ ప్రభుత్వం ప్రతిష్టాత్మకంగా చేపట్టిన కాళేశ్వరం జలాలతో నిరుడు నిండుకుండలా కనిపించిన చెక్డ్యాంలు.. నేడు నీళ్లు లేక ఇసుక దిబ్బలతో వెలవెలబోయి కనిపిస్తున్నాయి. గతేడాది ఇదే సమయంలో ఇప్పట్లాగే వర్షాభావ పరిస్థితులు నెలకొన్నాయి. దీంతో కేసీఆర్ ప్రభుత్వం కాళేశ్వరం జలాలను ఎదురెక్కించి వాగులకు, చెరువులకు జలకళ తీసుకొచ్చింది. 21 ప్యాకేజీ ద్వారా నిజామాబాద్ జిల్లా భీమ్గల్ శివారులోని కప్పలవాగుకు గోదావరిని తరలించింది. వానల కోసం ఆకాశం వైపు ముఖం పెట్టిన రైతాంగం.. తరలివచ్చిన గంగమ్మను చూసి పులకరించింది. ఏడాది క్రితం నాటి వర్షాభావ పరిస్థితులే ఇప్పుడు నెలకొన్న తరుణంలో కప్పలవాగు కళ తప్పింది. రైతాంగం ఆకాశంతోపాటు ప్రభుత్వం వైపు ఆశగా చూస్తున్నది. కానీ వారిని పట్టించుకునే వారేరి? కాళేశ్వరం జలాలను తెప్పించే వారేరి? – భీమ్గల్, జూలై 17