ఖలీల్వాడి, జూలై 15: నిజామాబాద్ జిల్లా కేంద్రంతోపాటు చుట్టుపక్కన మండలాల్లో సోమవారం సాయంత్రం నుంచి రాత్రి వరకు భారీ వర్షం కురిసింది. సుమారు రెండున్నర గంటలపాటు కురిసిన వర్షంతో రోడ్లన్నీ జలమయమయ్యాయి. నగరంలోని బస్టాండ్ నుంచి రైల్వే స్టేషన్ వరకు రోడ్లపై వరద ప్రవహించింది. రైల్వేస్టేషన్ ఆవరణలోకి వరద చేరింది. హైమద్పుర కాలనీ, ఆటోనగర్ తదితర ప్రాంతాల్లో భారీ వర్షంతో ప్రజలు ఇబ్బందులు ఎదుర్కొన్నారు. దాదాపు నెలన్నర తర్వాత భారీ వర్షం కురవడంతో రైతులు హర్షం వ్యక్తంచేస్తున్నారు. మోపాల్, నిజామాబాద్ రూరల్, మాక్లూర్, డిచ్పల్లి తదితర మండలాల్లో వర్షం కురిసింది.