నాగిరెడ్డిపేట్, జనవరి 16 : మండల కేంద్రంలోని కల్లు దుకాణంలో సోమవారం కల్లు సీసాలో ఎలుక కళేబరం కనిపించడంతో గ్రామస్తులు ఆందోళన వ్యక్తం చేశారు. గోపాల్పేట్ గ్రామానికి చెందిన ముదిరాజ్ సంఘం సభ్యులు కల్లు తాగడానికి వెళ్లారు.
శ్రీకాంత్ అనే యువకుడికి సీసాలో ఎలుక ఆనవాళ్లు కనిపించడంతో వెంటనే వారు కల్లు దకాణం బంద్చేయించి పోలీస్ స్టేషన్కు వెళ్లి ఫిర్యాదు చేశారు. అనంతరం ఎక్సైజ్శాఖ వారికి ఫిర్యాదు చేస్తున్నట్లు వారు తెలిపారు. ఈ విషయమై ఎల్లారెడ్డి ఎక్సైజ్ సీఐ షాకీర్ హుస్సేన్ను వివరణ కోరగా…కల్లు సీసాలో ఎలుక వచ్చిందని గ్రామస్తులు కల్లు దకాణం బంద్చేయించినట్లు తెలిసిందన్నారు. ఈ విషయంపై విచారణ చేపడుతామని తెలిపారు.