ఎల్లారెడ్డి రూరల్, మే 21: ఆడుతూ పాడుతూ తిరుగుతున్న బాలుడు డెంగీ సోకి మృతి చెందిన ఘటన ఎల్లారెడ్డి మండల కేంద్రంలో మంగళవారం చోటుచేసుకున్నది. ఎల్లారెడ్డి మున్సిపల్ కార్యాలయంలో ఫిట్టర్గా పనిచేస్తున్న ప్యాలాల కృష్ణ కుమారుడైన మణిదీప్(10)కు డెంగీ వ్యాధి సోకడంతో 20రోజుల క్రితం హైదరాబాద్లోని కిమ్స్ దవాఖానలో చేర్పించారు. 20రోజులుగా డెంగీ సమస్యతో పోరాడుతున్న మణిదీప్ మంగళవారం ఉదయం మృతి చెందాడు. అందరితో చలాకీగా ఉండే మణిదీప్ మృతి చెందడంతో విషాదఛాయలు అలుముకున్నాయి.