తమకు ఉద్యోగ భద్రత కల్పించి, కనీస వేతనం రూ.18వేలు ఇవ్వాలని డిమాండ్ చేస్తూ ఉమ్మడి నిజామాబాద్ జిల్లాలో గురువారం ఆశ వర్కర్లు ఆందోళన నిర్వహించారు. ఎమ్మెల్యేల క్యాంపు కార్యాలయాల ఎదుట ఆందోళన నిర్వహించి అందుబాటులో ఉన్న ప్రజాప్రతినిధులకు వినతిపత్రాలు సమర్పించారు. బోధన్లో ఎమ్మెల్యే సుదర్శన్రెడ్డి, బాన్సువాడలో ఎమ్మెల్యే పోచారం శ్రీనివాసరెడ్డి,
ఎల్లారెడ్డిలో ఎమ్మెల్యే మదన్మోహన్రావు, నిజామాబాద్లో రూరల్ ఎమ్మెల్యే డాక్టర్ భూపతిరెడ్డి, అర్బన్లో ఎమ్మెల్యే ధన్పాల్ సూర్యనారాయణకు వినతిపత్రం అందజేశారు. 20ఏండ్లుగా వెట్టిచాకిరి చేస్తున్న తమకు కాంగ్రెస్ పార్టీ ఎన్నికల్లో ఇచ్చిన హామీలను తప్పకుండా అమలు చేయాలని కోరారు. కార్యక్రమంలో సీఐటీయూ నాయకులు, ఆశ వర్కర్లు పాల్గొన్నారు.
– బోధన్రూరల్/ఆర్మూర్టౌన్/ఖలీల్వాడి/బాన్సువాడ, జూలై 18