ఇందల్వాయి, డిసెంబర్ 26 : ఇందల్వాయి టోల్ప్లాజా వద్ద ఆగి ఉన్న కారును వెనుక నుంచి ఓ కంటైనర్ వాహనం వేగంగా వచ్చి ఢీకొట్టింది. ఈ ఘటనలో కారుతోపాటు టోల్ ప్లాజా కౌంటర్ సైతం ధ్వంసమయ్యాయి. సీఐ కృష్ణ, ఎస్సై మహేశ్ తెలిపిన వివరాల ప్రకారం.. కామారెడ్డి నుంచి వస్తున్న కారు టోల్టాక్స్ చెల్లిస్తుండగా మద్యం మత్తులో ఉన్న డ్రైవర్..
కంటైనర్ వాహనంతో వేగంగా వెనుకనుంచి ఢీకొట్టాడు. ఈ ప్రమాదలో కారులో ప్రయాణిస్తున్న ఇద్దరితో పాటు టోల్ప్లాజా సిబ్బంది మరో ఇద్దరు తీవ్రంగా గాయపడ్డారు. క్షతగాత్రులను అంబులెన్స్లో జిల్లా దవాఖానకు తరలించారు. ఘటనకు సంబంధించిన వివరాలను సేకరించి లారీ డ్రైవర్ను అదుపులోకి తీసుకున్నట్లు సీఐ కృష్ణ తెలిపారు.