పదేండ్ల కేసీఆర్ పాలనలో నిర్విఘ్నంగా విద్యుత్ సరఫరా అయ్యేది. ఉమ్మడి రాష్ట్రంలో ఏర్పడిన కరెంటు ఇబ్బందులను స్వరాష్ట్రంలో కేసీఆర్ పరిష్కరించిండు. రెప్పపాటు కూడా కరెంటు కోత లేకుండా చూసిండు. రైతులకు, ఇండ్లల్లో నాణ్యమైన కరెంటు ఇచ్చిండు. రజక, నాయీబ్రాహ్మణ కులవృత్తులకు పూర్వవైభవం తీసుకొచ్చేందుకు 250యూనిట్ల వరకు ఉచితంగా సరఫరా చేసిండు. సబ్స్టేషన్లను పెంచి, అదనంగా ట్రాన్స్ఫార్మర్లను ఏర్పాటు చేసి విద్యుత్ సరఫరాను కేసీఆర్ మంచిగ చేసిండు.. అని ఉమ్మడి జిల్లా ప్రజలు, రైతులు, కులవృత్తిదారులు చెబుతున్నారు. కరెంటు రందిని తీర్చిన ఘనత కేసీఆర్కే దక్కుతుందని కొనియాడుతున్నారు.
పొతంగల్, జూన్ 24: కేసీఆర్ పాలనలో కరెంటు సరఫరాలో ఎలాంటి ఇబ్బందులు లేకుండె. రెప్పపాటు కూడా కరెంటు పోయేది కాదు. కులవృత్తులు చేసుకునేటోళ్లను ఆదుకున్నడు. రజక, నాయీబ్రాహ్మణులను దృష్టిలో ఉంచుకొని 250యూనిట్ల వరకు ఉచితంగా కరెంటు ఇచ్చిండు. కేసీఆర్ సారు కృషితోనే ఫ్రీ కరెంటుతో ఇస్త్రీ దుకాణం నడుపుతూ జీవనం సాగిస్తున్నాం. ఇంత చేసిన కేసీఆర్కు రుణపడి ఉంటాం.
ఉమ్మడి రాష్ట్రంలో వ్యవసాయానికి రాత్రిపూట కరెంటు వచ్చేది. అప్పుడు మస్తు తిప్పలైంది. రాత్రిపూట మోటర్ల దగ్గరే పడుకొనేవాళ్లం. కేసీఆర్ హయాంలో పదేండ్లు కరెంటు ఫుల్లుగా వచ్చింది. రంది లేకుండా చేసిండు. ఇప్పుడు మళ్లీ పాతరోజులు వచ్చేటట్లు కనిపిస్తున్నయ్. పంటలు వేసుకున్న తర్వాత సక్కగ కరెంటు ఇయ్యకపోతే మా పరిస్థితి ఎట్లనో ఏమో. తలుచుకుంటెనే భయమేస్తున్నది.
పొతంగల్, జూన్ 24: ఉమ్మడి రాష్ట్రంలో కరెంటు కోసం ఎదురుచూడాల్సిన పరిస్థితి ఉండేది. తెలంగాణ వచ్చిన తర్వాత సీఎంగా పదేండ్లపాటు కేసీఆర్ కరెంటు మంచిగ ఇచ్చిండు. లోవోల్టేజీ సమస్య లేకుండా చేసిండు. కరెంటు బాధలు తీర్చిండు. పరిశ్రమలు, వ్యవసాయానికి కచ్చితంగా కరెంటు అవసరమని, ఎంత ఖర్చయినా వెనుకాడకుండా ఎక్కడ కరెంటు అందుబాటులో ఉంటే అక్కడ నుంచి కొని.. 24గంటలు కరెంటు ఇచ్చిండు.