న్యూఢిల్లీ: యూపీఎస్సీ చైర్మెన్ మనోజ్ సోనీ( Manoj Soni) రాజీనామా చేశారు. వ్యక్తిగత కారణాల వల్ల రాజీనామా చేస్తున్నట్లు ఆయన వెల్లడించారు. అయితే ఆ రాజీనామాను ఇంకా అంగీకరించలేదని డిపార్ట్మెంట్ ఆఫ్ పర్సనల్ అండ్ ట్రైనింగ్ శాఖ అధికారులు తెలిపారు. మనోజ్ సోనీ రాజీనామాకు చెందిన మరిన్ని విషయాలు అందాల్సి ఉన్నది.
UPSC chairman Manoj Soni tenders resignation due to personal reasons. His resignation has not been accepted yet: Department of Personnel and Training (DoPT) Sources
— ANI (@ANI) July 20, 2024
రాజీనామాను ఆమోదించడం చాలా సుదీర్గమైన ప్రొసీజర్ అని తెలిసింది. ప్రస్తుతం ఫోన్ కాల్స్కు ఆయన స్పందించడంలేదు. అయిదేళ్ల ముందే మనోజ్ సోనీ తన పదవికి రాజీనామా చేశారు. 2029 వరకు సోనీ ఆ పదవిలో కొనసాగాల్సి ఉన్నది. 2017 నుంచి యూపీఎస్సీలో సోనీ సభ్యుడిఆ ఉన్నారు. 2023, మే 16వ తేదీన యూపీఎస్సీ చైర్మెన్గా ప్రమాణస్వీకారం చేశారు. సోనీ రాజీనామాకు, ట్రైనీ ఐఏఎస్ పూజా ఖేద్కర్ వివాదంతో లింకు లేదని కొన్ని వర్గాల ద్వారా తెలిసింది. చాన్నాళ్ల క్రితమే సోనీ రాజీనామా సమర్పించినట్లు తెలుస్తోంది.
యూపీఎస్సీ కన్నా ముందు ఆయన మూడుసార్లు వైస్ ఛాన్సలర్గా చేశారు. డాక్టర్ అంబేద్కర్ ఓపెన్ వర్సిటీలో రెండు సార్లు, బరోడాలోని మహారాజా సయ్యాజిరావు యూనివర్సిటీకి ఓసారి వీసీగా చేశారు.