బాల్కొండ, సెప్టెంబర్ 19 : బీఆర్ఎస్ మద్దతుల వెల్లువ కొనసాగుతూనే ఉంది. సీఎం కేసీఆర్ నాయకత్వంలో రాష్ట్రంలో జరుగుతున్న అభివృద్ధి, సంక్షేమ కార్యక్రమాలకు ఆకర్షితులై వివిధ వర్గాల ప్రజలు స్వచ్ఛందంగా బీఆర్ఎస్కు తమ మద్దతు తెలుపుతున్నారు. అభివృద్ధిని చేసిన పార్టీనే ఆదరిస్తామని ముందుకొస్తూ మూకుమ్మడిగా తీర్మానాలు చేస్తూ బీఆర్ఎస్కు బాసటగా నిలుస్తున్నారు.
ఇందులో భాగంగానిజామాబాద్ జిల్లా బాల్కొండ మండలంలోని చిట్టాపూర్ గ్రామానికి చెందిన మైనార్టీ (ముస్లిం మదీన) కమిటీకి చెందిన 33 కుటుంబాలు మంత్రి వేముల ప్రశాంత్రెడ్డికి మద్దతుగా ఉంటామంటూ సోమవారం ఏకగ్రీవ తీర్మానం చేశారు. నియోజకవర్గంలో మంత్రి ప్రశాంత్రెడ్డి చేస్తున్న అభివృద్ధి పనులకు ఆకర్షితులై రానున్న అసెంబ్లీ ఎన్నికల్లో అభివృద్ధి వైపు మా ఓటు అంటూ తీర్మానం చేసి పత్రాలను స్థానిక ప్రజాప్రతినిధులకు అందజేశారు.