Samir Modi | న్యూఢిల్లీ, జూన్ 1: కంపెనీ బోర్డు సమావేశం జరుగుతుండగా, తన తల్లి బినా మోదీ తనపై భౌతిక దాడి చేయించారని, చంపే యాలని చూశారని ప్రముఖ సిగరెట్ల తయారీ సంస్థ గాడ్ఫ్రే ఫిలిప్స్ ఇండియా (జీపీఐ) ఎగ్జిక్యూటివ్ డైరెక్టర్ (ఈడీ) సమీర్ మోదీ ఆరోపించారు. ఈ మేరకు ఢిల్లీ పోలీసులకు ఫిర్యాదు చేశారు. దీంతో రూ.11,000 కోట్ల కేకే మోదీ వ్యాపార సామ్రాజ్యంలో కుటుంబ వైరం తారాస్థాయికి చేరినైట్టెంది. మే 30న నిర్వహించిన జీపీఐ బోర్డ్ ఆఫ్ డైరెక్టర్ల సమావేశానికి వస్తున్న తనను బినా మోదీ వ్యక్తిగత భద్రతా అధికారి అడ్డుకున్నారని, ఆగకపోతే తీవ్రంగా దాడి చేశారని, దీంతో తన చూపుడు వేలు విరిగిందని మూడు పేజీల ఫిర్యాదులో పేర్కొన్నారు. చివరకు ప్రాణాలు అరచేతిలో పెట్టుకుని పారిపోయినట్టు తెలిపారు. దాడి దృశ్యాలు సీసీటీవీలో రికాైర్డెనట్టు పోలీసులకు తెలిపారు. కాగా, కేకే మోదీ-బినా మోదీలకు ఒక కుమార్తె, ఇద్దరు కుమారులు. చిన్న కుమారుడే సమీర్ మోదీ. మరొకరు తీవ్ర ఆర్థిక నేరారోపణల్ని ఎదుర్కొంటూ దేశం విడిచి పారిపోయిన లలిత్ మోదీ. కుటుంబ ఆస్తులపై వీరంతా సుప్రీం కోర్టులో న్యాయ పోరాటం చేస్తున్న విషయం తెలిసిందే.
గతంలోనూ..
దేశీయ వ్యాపార, పారిశ్రామిక రంగాల్లో పేరు ప్రఖ్యాతులు సంపాదించిన అనేక కుటుంబాల్లో ఆస్తుల తగాదాలు జరిగాయి. వాటిలో బజాజ్, బాంబే డైయింగ్, ఫోర్టీస్, ర్యాన్బాక్సీ, రేమాండ్స్, రిలయన్స్, కిర్లోస్కర్, అపోలో టైర్స్, అమర్చంద్ మంగళ్దాస్ కంపెనీల వారసత్వాలున్నాయి.