జయశంకర్ భూపాలపల్లి : జిల్లాలో విద్యావ్యవస్థను పటిష్టం చేయడంలో భాగంగా ఇప్పటికే డిగ్రీ, పీజీ కళాశాలలను, గురుకులాలను రాష్ట్ర ప్రభుత్వం ఏర్పాటు చేసిందని భూపాలపల్లి ఎమ్మెల్యే గండ్ర వెంకటరమణారెడ్డి అన్నారు. ఈ క్రమంలో జిల్లా కేంద్రంలో నిర్మించిన మెడికల్ కళాశాలలో శుక్రవారం తరగతుల ప్రారంభోత్సవం జరుగుతుందని మీడియా సమావేశంలో వివరాలను వెల్లడించారు.
సీఎం కేసీఆర్ వర్చువల్ పద్ధతిలో శుక్రవారం మెడికల్ కళాశాలను ప్రారంభిస్తారని, ఈ సందర్భంగా జిల్లా కేంద్రంలో భారీ ర్యాలీ నిర్వహిస్తామన్నారు. ఈ కార్యక్రమానికి మంత్రి సత్యవతి రాథోడ్ హాజరవుతారని తెలిపారు. ఈ కార్యక్రమాన్ని విద్యార్థులు, పార్టీ నాయకులు, ప్రజాప్రతినిధులు అధిక సంఖ్యలో హాజరై విజయవంతం చేయాలని కోరారు. అలాగే జిల్లా కేంద్రంలో నిర్మించిన కలెక్టరేట్, పోలీసు హెడ్ క్వార్టర్ భవనాలను త్వరలోనే సీఎం కేసీఆర్ ప్రారంభం చేస్తారని అన్నారు.