Hormuz strait | న్యూఢిల్లీ, ఏప్రిల్ 21: ముడి చమురు రవాణాకు కీలకమైన హర్ముజ్ జల సంధిని ఇరాన్ దిగ్బంధిస్తే పెట్రోలు, ద్రవీకృత సహజ వాయువుల ధరలు పెరిగే అవకాశం ఉందని మార్కె ట్ వర్గాలు అభిప్రాయపడ్డాయి. ఇదే జరిగితే భారత్కు ఇబ్బందులు ఏర్పడే అవకాశం ఉందని తెలిపాయి. ఇరాన్-ఇజ్రాయెల్ పరస్పర దాడుల నేపథ్యంలో బ్యారెల్ చమురు ధర 90 అమెరికన్ డాలర్లు పలుకుతున్నదని వారు వెల్లడించారు.
ఈ సంక్షోభాన్ని నియంత్రించాలంటే ప్రభుత్వాలు పె ట్రో ధరలు తగ్గించాలని మోతీలాల్ ఓశ్వాల్ ఫైనాన్షియల్ సర్వీసెస్ సూచించింది. ఒకవేళ సరఫరా సంక్షోభం ముదిరితే రష్యా నుంచి పెట్రో దిగుమతులను భారత్ పెంచుకోవాలని కేర్ఎడ్జ్ రేటింగ్స్ సూచించింది.