Pawan Kalyan | ఏపీ డిప్యూటీ సీఎం పవన్ కల్యాణ్కు కాపు, బలిజ సంక్షేమ సేన అధ్యక్షుడు హరిరామజోగయ్య మరోసారి లేఖ రాశారు. కాపులకు విద్య, ఉద్యోగాల్లో రిజర్వేషన్లు కల్పించాలని కోరారు. పవన్కల్యాణ్ సానుకూల నిర్ణయం తీసుకుంటారని ఆశిస్తున్నా అని అన్నారు.
కూటమి ప్రభుత్వానికి కాపు కులస్తులు 99 శాతం ఓట్లు వేసి గెలిపించారని హరిరామజోగయ్య తన లేఖలో తెలిపారు. పవన్ కల్యాణ్ వల్ల తమకు న్యాయం జరుగుతుందని నమ్మి ఓట్లేశారని పేర్కొన్నారు. ఈడబ్ల్యూఎస్కు చెందిన 10 శాతం కోటాలో కాపులకు ఐదు శాతం రిజర్వేషన్ కల్పిస్తూ.. గతంలో టీడీపీ ప్రభుత్వం ఆమోదించిందని గుర్తుచేశారు. కానీ ఆ తర్వాత అధికారంలోకి వచ్చిన వైసీపీ ప్రభుత్వం దాన్ని నిలిపివేసిందని గుర్తుచేశారు. ఇప్పుడు ఈడబ్ల్యూఎస్లో కాపు రిజర్వేషన్లపై నిర్ణయం తీసుకుంటారని ఆలోచిస్తున్నానని చెప్పారు.