హైదరాబాద్, జూలై 26 (నమస్తే తెలంగాణ): రానున్న 90 రోజుల్లో 30 వేల ఉద్యోగ ఖాళీలను రాష్ట్ర ప్రభుత్వం భర్తీ చేయనున్నదని ముఖ్యమంత్రి ఏ రేవంత్రెడ్డి స్పష్టం చే శారు. తమ ప్రభుత్వం వచ్చిన 90 రోజుల్లోనే 30 వేల ఉద్యోగాలకు నియామక పత్రాలు ఇ చ్చామని తెలిపారు. 2022 నోటిఫికేషన్లో ఫైర్మెన్లుగా అర్హత సాధించి, నాలుగు నెల లు శిక్షణ పూర్తిచేసుకున్న 483 మంది ఫైర్మెన్లకు శుక్రవారం వట్టినాగులపల్లిలోని ఫైర్ ట్రైనింగ్ అకాడమీలో దీక్షాంత్ పరేడ్ నిర్వహించారు.
ఈ కార్యక్రమానికి ముఖ్యఅతిథి గా హాజరైన సీఎం రేవంత్రెడ్డి మాట్లాడుతూ.. ప్రభుత్వ ఉద్యోగులకు మంచి చేయడానికి, ఒకటో తేదీన జీతాలు ఇవ్వడానికి తమ ప్రభుత్వానికి ఎలాంటి భేషజాలు లేవని చెప్పారు. సకలజనులకు మంచి చేయాలనే ఉద్దేశంతోనే రూ.2.91 లక్షల కోట్లతో బడ్జెట్ను ప్రవేశపెట్టినట్టు తెలిపారు. ఫైర్మెన్లను ఉద్దేశించి మా ట్లాడుతూ.. జీతభత్యాల కోసం కాకుండా.. ఆపదలో ఉన్నవారి ప్రాణాలను కాపాడేందుకు తమ ప్రాణాలను పణంగా పెట్టేందుకు ఫైర్మెన్ జాబ్లోకి వచ్చిన అభ్యర్థులను అభినందించారు.
ప్రభుత్వ ఉద్యోగ ఖాళీల భర్తీకి తగిన ప్రణాళిక తమ వద్ద ఉన్నదని రంగారెడ్డి జిల్లా ఇన్చార్జ్ మంత్రి శ్రీధర్బాబు చెప్పారు. పాసింగ్ ఔట్ పరేడ్కు ముఖ్యమంత్రి ఆలస్యంగా రావడంతో అభ్యర్థులు ఒక్కొక్కరుగా సొమ్మసిల్లి పడిపోయారు. కానిస్టేబుళ్లు వారికి సపర్యలు చేసి, మళ్లీ పరేడ్లోకి తీసుకొచ్చారు. సీఎం రేవంత్రెడ్డి మా ట్లాడుతుండగానే మరో ఇద్దరు అభ్యర్థులు సొ మ్మలిసిల్లి పడిపోవడంతో.. అంబులెన్స్ పిలిపించి వారికి వైద్యం చేయించమని సీఎం స భావేదిక నుంచే ఆదేశించారు. దీంతో అభ్యర్థులు, వారి తల్లిదండ్రుల్లో అసహనం వ్యక్తమైంది.
2022లో పోలీస్ కానిస్టేబుళ్లతోపా టు తమకు కూడా నాటి సీఎం కేసీఆర్ నోటిఫికేషన్ ఇచ్చారని ఫైర్మెన్లు చె ప్పారు. ఆయన హయాంలో వివిధ దశ ల్లో పరీక్షలు జరిగాయని, అయితే కోర్టు కేసుల వల్ల తమ తుది ఫలితాల విడుదల ఆలస్యమైందని అ న్నారు. అప్పుడే ఎలాంటి కోర్టు చిక్కు లు లేకుండా ఫలితాలు వచ్చి ఉంటే.. ఈ ఉద్యోగాల క్రెడిట్ అంతా కేసీఆర్ సార్కే దక్కేదని పలువురు అభ్యర్థులు ‘నమస్తే తెలంగాణ’తో చెప్పారు. అవి ఆల స్యం కావడం వల్లనే కొత్త ప్రభుత్వంలో తమకు నియామకపత్రాలు వచ్చాయని అన్నారు.