ములుగు : జిల్లాలో ఘోర రోడ్డు ప్రమాదం చోటు చేసుకుంది. రోడ్డు ప్రమాదంలో ఒకరు మృతి చెందిన సంఘటన ములుగు జిల్లా కేంద్రంలోని జాకారం జాతీయ రహదారిపై బుధవారం మధ్యాహ్నం చోటు చేసుకుంది.
స్థానికుల కథనం మేరకు.. ఖమ్మం జిల్లా రఘునాధపాలెం మండలం పాండురంగాపురం గ్రామానికి చెందిన వీరబాబు తన కుటుంబ సభ్యులతో కలిసి కారులో వచ్చి మేడారం సమ్మక్క-సారలమ్మలను దర్శించుకొని తిరుగుప్రయాణంలో మేడారం నుంచి హనుమకొండ కు వెళ్తున్నాడు. ఈ క్రమంలో కారు అదుపుతప్పి చెట్టును ఢీకొన్నది.
ఈ సంఘటనలో కారులో ప్రయాణిస్తున్న భద్రమ్మ(45) అక్కడికక్కడే మృతి చెందింది. కారులో ప్రయాణిస్తున్న మరో ఆరుగురికి తీవ్ర గాయాలయ్యాయి. భద్రమ్మ మృతదేహాన్ని ములుగు జిల్లా దావాఖాన మార్చురీకి తరలించి గాయపడ్డ వారిని వరంగల్ ఎంజీఎం కు పోలీసులు 108 ద్వారా తరలించారు.