Diabetes | (స్పెషల్ టాస్క్ బ్యూరో) హైదరాబాద్, జూలై 24 (నమస్తే తెలంగాణ): డ్రైఫ్రూట్స్ను ఎక్కువగా తీసుకోవడం వల్ల టైప్-2 డయాబెటిస్ వచ్చే ముప్పును 60 శాతం మేర తగ్గించవచ్చని యూకే పరిశోధకులు తెలిపారు. డ్రైఫ్రూట్స్ మోతాదును రోజుకు కనీసం 1.3 పీసెస్ చొప్పున పెంచుకొంటూ పోతే ఆరోగ్యానికి మంచిదని పేర్కొన్నారు. ఎండిన ద్రాక్ష, ఎండిన నేరేడును ఎక్కువగా తీసుకొంటే ఫలితముంటుందని సూచించారు.
అమ్మాయిల కంటే అబ్బాయిలకే..టైప్-1 డయాబెటిస్ ముప్పు ఎక్కువ!
పదేండ్ల వయసు పైబడిన అమ్మాయిలతో పోల్చి చూస్తే, అబ్బాయిలకే టైప్-1 డయాబెటిస్ వచ్చే ముప్పు ఎక్కువగా ఉన్నదని బ్రిటన్లోని యూనివర్సిటీ ఆఫ్ ఎగ్జీటర్ పరిశోధకులు తెలిపారు. ఇమ్యూనిటీ సెల్స్పై ప్రభావం చూపించే ఆటోయాంటీబాడీ ప్రొటీన్లు అబ్బాయిల్లో ఎక్కువగా విడుదల కావడమే దీనికి కారణంగా పేర్కొన్నారు. 2,35,765 మందిపై చేసిన అధ్యయనంలో ఈ విషయం వెల్లడైనట్టు తెలిపారు.