మహబూబ్నగర్, జూన్ 23 (నమస్తే తెలంగాణ ప్రతినిధి)/కొల్లాపూర్: నాగర్కర్నూల్ జిల్లా కొల్లాపూర్ మండలంలో ఇటీవల చెంచు మహిళపై జరిగిన దాష్టీకాన్ని మరువక ముందే అదే గ్రామంలో ఆమెకు వరుసకు మామ అయ్యే వ్యక్తి ఈనెల 4న అనుమానాస్పదస్థితిలో మరణించాడు. ఈశ్వరమ్మ ఘటనకు, ఆలస్యంగా వెలుగులోకి వచ్చిన ఆమె మామ మృతి కేసుకు సంబంధం ఏమైనా ఉండవచ్చన్న అనుమానాలు వ్యక్తం అవుతున్నాయి. స్థానికులు తెలిపిన వివరాల ప్రకారం.. కొల్లాపూర్ మం డలం మొలచింతలపల్లి గ్రామంలో బండి వెంకటేశ్, బండి శివ.. చెంచు ఈశ్వరమ్మ (దాష్టీకానికి గురైన బాధితురాలు) మామ వీరస్వామికి చెందిన భూమి ని ఎకరాకు రూ.2.25 లక్షల చొప్పున రెండున్నర ఎకరాలు కొనుగోలు చేసి అగ్రిమెంట్ చేసుకున్నారు. చెంచు నాగయ్య (ఈశ్వరమ్మకు వరుసకు మామ) ఈ అగ్రిమెంట్కు అడ్డు తగిలాడు.
ఎకరాకు రూ.18 లక్షల నుంచి రూ.25 లక్షలు పలుకుతుండగా.. తక్కువ ధరకు ఎలా కొనుగో లు చేస్తారని ప్రశ్నించినట్టు స మాచారం. ‘మా వర్గానికి చెం దిన భూమిని చెంచు లే కొనుగోలు చేస్తారు.. మీరు కొనొ ద్దు’ అంటూ బండి వెంకటేశ్, బండి శివకు నాగయ్య సమాధానమిచ్చాడు. అయి తే, ఈ నెల 3న రాత్రి తన బావమరిది కురుమయ్య గ్రామమైన రాయరాజులపెంటకు వెళ్లి వస్తానని నా గయ్య తన ఇంట్లో చెప్పాడు. 4న నల్లమల అడవిలో నాగయ్య శవమై కనిపించాడు. నాగయ్యకు పోస్టుమార్టం చేయకుండానే అదే రోజు అంత్యక్రియలు పూర్తిచేశారు. ఆయన అనుమానాస్పద మృతి వెనుక భూవివాదం కూడా కారణమై ఉండొచ్చనే సం దేహం కలుగుతున్నది. కాగా చెంచు నాగయ్య మర్మాంగంపై గుర్తుతెలియని వ్యక్తులు దాడి చేసినట్టు స్థానికులు చెబుతున్నారు. తన తండ్రిని హత్య చేసినందున పోస్ట్మార్టం చేయించాలని అతని కొడుకు సలేశ్వరం అప్పుడే కోరగా.. అందుకు కొందరు వ్యతిరేకించినట్టు తెలిసింది. చెంచు ఈశ్వరమ్మపై జరిగిన దాడి బయటకు రావడంతోనే నాగయ్యది హత్యేనన్న అనుమానులకు బలం చేకూరింది.