Dasara Movie Non-Theatrical Rights | విభిన్న కథలను ఎంచుకుంటూ తన నాచ్యురల్ యాక్టింగ్తో ప్రేక్షకులను అకట్టుకుంటాడు నాని. ఏడాదికి రెండు సినిమాలను చేస్తూ బిజీ బిజీగా గడుపుతుంటాడు. ప్రస్తుతం ఈయన నటిస్తున్న చిత్రం ‘దసరా’. రొటీన్కు భిన్నంగా నాని ఈ సారి పూర్తీ మాస్ సినిమాతో రాబోతున్నాడు. శ్రీకాంత్ ఓదెలా ఈ చిత్రానికి దర్శకత్వం వహిస్తున్నాడు. ఇటీవలే విడుదలైన నాని ఫస్ట్లుక్ పోస్టర్, గ్లింప్స్ ప్రేక్షకులలో భారీ స్థాయిలో అంచనాలను నమోదు చేశాయి. అయితే ఈ క్రమంలో దసరా చిత్రానికి భారీగా నాన్ థియేట్రికల్ బిజినెస్ జరిగిందని సమాచారం.
ప్రస్తుతం షూటింగ్ జరుపుకుంటున్న ఈ చిత్రానికి నాన్ థియేట్రికల్ హక్కులను ప్రముఖ సంస్థ రూ. 45కోట్లకు విక్రయించిందట. నాని గత చిత్రం శ్యామ్ సింగరాయ్ నాన్ థియేట్రికల్ హక్కులు 35కోట్లకు అమ్ముడయ్యాయి. నెట్ఫ్లిక్స్లో స్ట్రీమింగ్ అయిన ఈ చిత్రం రెండు రోజుల్లోనే గ్లోబల్గా నాన్- ఇంగ్లీష్ మూవీస్లో అత్యధిక వ్యూవర్ షిప్ను సాధించిన మూడవ చిత్రంగా రికార్డు సృష్టించింది. ఈ చిత్రంతో నాని క్రేజ్ కూడా మరింత పెరిగింది. దాంతో దసరా చిత్రానికి ఇంత భారీ మొత్తం నాన్-థియేట్రికల్ బిజినెస్ జరిగందని టాక్. ఈ చిత్రంలో నాని సరసన కీర్తీ సురేష్ హీరోయిన్గా నటిస్తుంది. ఈ చిత్రంలో నాని, కీర్తీ డీ గ్లామర్ పాత్రల్లో నటిస్తున్నారు.
ఎస్ఎల్వి సినిమాస్ బ్యానర్పై సుధాకర్ చెరుకూరి ఈ చిత్రాన్ని నిర్మిస్తున్నాడు. సంతోష్ నారాయణ్ స్వరాలను సమకూరుస్తున్నాడు. ప్రస్తుతం నాని నటించిన ‘అంటే సుందరానికి’ జూన్ 10న ప్రేక్షకుల ముందుకు రానుంది. ఇటీవలే షూటింగ్ పూర్తి చేసుకున్న ఈ చిత్రం ప్రస్తుతం పోస్ట్ ప్రొడక్షన్ పనులలో బిజీగా ఉంది. ‘బ్రోచేవారెవరురా’ ఫేం వివేక్ ఆత్రేయ ఈ చిత్రానికి దర్శకత్వం వహించాడు. నజ్రియా నజీమ్ హీరోయిన్గా నటించింది.
Read Also:
Prabhas | ఆ స్టార్ హీరోయిన్ మరోసారి ప్రభాస్తో కలిసి నటించనుందా?
Ram Gopal Varma | రాజమౌళిపై రామ్గోపాల్ వర్మ సంచలన కామెంట్స్.. వైరల్ అవుతున్న వాయిస్ లెటర్
Varun Tej | సిద్ధూ జోన్నలగడ్డ దర్శకుడితో.. వరుణ్ తేజ్ కొత్త చిత్రం ప్రారంభం
Oscar Awards | అంగరంగ వైభవంగా ‘ఆస్కార్’ వేడుకలు.. ఒకే సినిమాకు ఆరు అవార్డులు