నాంపల్లి కోర్టులు మే 14 (నమస్తే తెలంగాణ) : ఏపీ సీఎం వైఎస్ జగన్ విదేశాలకు వెళ్లేందుకు సీబీఐ కోర్టు అనుమతి ఇచ్చింది. యూరప్ పర్యటనతోపాటు అమెరికాలోని తన కూతురిని కలిసేందుకు అనుమతి ఇవ్వాలని సీఎం జగన్ పిటిషన్ దాఖలు చేశారు. జగన్ విదేశీ పర్యటనకు అనుమతి ఇవ్వొద్దని సీబీఐ కోరింది. ఇరువైపులా వాదనలు విన్న కోర్టు సీఎం జగన్ విదేశీ పర్యటనకు ఈ నెల 17 నుంచి జూన్ 1 వరకు అనుమతిస్తూ మంగళవారం ఆదేశాలిచ్చింది. జూన్ 4న ఓట్ల లెక్కింపు జరగనుండటంతో అప్పటివరకు జగన్ పర్యటన ముగించుకొని భారత్కు చేరుకొంటారు.