Governor CV Anand | కోల్కతా, మే 10: తనపై పశ్చిమబెంగాల్ గవర్నర్ సీవీ అనంద్ లైంగిక వేధింపులకు పాల్పడ్డారంటూ ఆరోపించిన రాజ్భవన్ ఉద్యోగిని.. న్యాయం కోసం రాష్ట్రపతి ముర్ము జోక్యాన్ని కోరుతానని శుక్రవారం వెల్లడించారు. రాజ్యాంగపరంగా రక్షణ ఉన్న గవర్నర్పై దర్యాప్తులో పోలీసులు ముందుకు వెళ్లలేని నిస్సహాయ స్థితిలో ఉన్నారని అన్నారు. తన నిర్దోషిత్వాన్ని నిరూపించుకోవడానికి గవర్నర్ రాజ్భవన్లో ఎడిట్ కాని సీసీ ఫుటేజ్లను కొందరికి ప్రదర్శించి చూపారని, అందులో బాధితురాలినైన తన ముఖాన్ని బ్లర్ చేయకుండానే ఫుటేజ్ను ప్రదర్శించారని ఆరోపించారు.
ఇది తనను అవమానించడం, గౌరవానికి భంగం కలిగించడమేనని ఆవేదన వ్యక్తం చేశారు. ప్రధాని మోదీని సంప్రదిస్తారా? అని అడుగగా, తన ఉదంతంపై మోదీకి సమాచారం వెళ్లిందనే భావిస్తున్నానని, అయితే ఎలాంటి స్పందన లేదని, దీని గురించి ఆయనకు విజ్ఞప్తి చేయడం వృథా అని అన్నారు.