చెన్నై, జూన్ 19: తమిళనాడులో కల్తీసారా తాగి 16 మంది మృత్యువాతపడ్డారు. 70 మందికి పైగా అస్వస్థతకు గురయ్యారు. కాళ్లకురిచి జిల్లాలో ఈ ఘటన చోటుచేసుకుంది. ఇద్దరు నిందితులను పోలీసులు అరెస్ట్ చేశారు. వారి నుంచి 200 లీటర్ల నాటు సారాను స్వాధీనం చేసుకున్నారు. ఈ విషాద ఘటనపై సీఎం స్టాలిన్ సీబీసీఐడీ విచారణకు ఆదేశించారు. కాళ్లకురిచి జిల్లా కలెక్టర్, ఎస్పీలను సస్పెండ్ చేస్తున్నట్టు ప్రకటించారు. వీరితోపాటు మరో 9 మందిని కూడా సస్పెండ్ చేశారు. బాధితులకు అవసరమైన సహాయాన్ని అందించేందుకు, పరిస్థితిని దగ్గరుండి పర్యవేక్షించాలని ఇద్దరు మంత్రులను ఆదేశించారు. బాధిత కుటుంబాలకు రూ. 10 లక్షల చొప్పున పరిహారం ఇవ్వాలని విపక్షాలు డిమాండ్ చేశాయి.