Heart Attack | నారాయణపేట ధన్వాడలో విషాదం చోటుచేసుకుంది. గుండెపోటుతో 15 ఏళ్ల బాలుడు మృతిచెందాడు.
ధన్వాడ మండలంలోని కొండాపూర్ గిరిజిన గురుకుల పాఠశాలలో పదో తరగతి చదువుతున్న శ్రీకాంత్.. శుక్రవారం క్లాసులకు వెళ్లేందుకు రెడీ అవుతూ ఒక్కసారిగా కుప్పకూలాడు. తోటి విద్యార్థులు గమనించి సిబ్బందికి సమాచారం అందించడంతో హుటాహుటిన ధన్వాడలోని ప్రాథమిక ఆరోగ్య కేంద్రానికి తరలించారు. అక్కడ ప్రాథమిక చికిత్స అందించి.. మెరుగైన వైద్యం కోసం జిల్లా ఆస్పత్రికి తీసుకెళ్లారు. కానీ అప్పటికే విద్యార్థి మృతిచెందాడు. దీంతో బాలుడి గ్రామం స్వగ్రామం బుడమకొండ తండాలో విషాద ఛాయలు అలుముకున్నాయి.