Zomato | అంతర్జాతీయ మహిళా దినోత్సవం ( Women’s Day) సందర్భంగా ప్రముఖ ఫుడ్ డెలివరీ సంస్థ జొమాటో (Zomato) సరికొత్త నిర్ణయం తీసుకుంది. సంస్థలో పనిచేస్తున్న డెలివరీ విమెన్కు (women delivery partners) కొత్త డ్రెస్ కోడ్ను ప్రకటించింది. వారికి సౌకర్యంగా ఉండేందుకు టీషర్ట్కు బదులు కుర్తాలను అందించింది. ఇకపై యూనిఫాంలో భాగంగా కచ్చితంగా టీషర్ట్ ధరించాలనే నియమం ఏమీ లేదని స్పష్టం చేసింది. టీషర్ట్కు బదులు ఎరుపు రంగు కుర్తాను (kurta uniforms) ఎంచుకోవచ్చని వెల్లడించింది.
చాలా మంది మహిళా డెలివరీ ఉద్యోగులు టీషర్ట్ అసౌకర్యంగా ఉందనే అభిప్రాయం వ్యక్తం చేయడంతో ఈ నిర్ణయం తీసుకున్నట్లు సంస్థ తెలిపింది. ఈ మేరకు మహిళా ఉద్యోగులు కొత్త యూనిఫాం ధరించి ఫొటో షూట్లో పాల్గొన్న వీడియోను ఇన్స్టాగ్రామ్లో పోస్టు చేసింది. కొత్త యూనిఫాంపై మహిళా ఉద్యోగులు సంతోషం వ్యక్తం చేస్తున్నారు. జొమాటో నిర్ణయంపై పలువురు నెటిజన్లు సైతం ప్రశంసలు కురిపిస్తున్నారు.
Also Read..
Rameshwaram Cafe | రామేశ్వరం కేఫ్లో పేలుడు ఘటన.. అనుమానితుడి కొత్త ఫొటోలు రిలీజ్ చేసిన ఎన్ఐఏ
Drug Racket | రూ.2వేల కోట్ల డ్రగ్స్ అక్రమ రవాణా కేసులో సినీ నిర్మాత అరెస్ట్
Supriya Sule | పవార్ కుటుంబంలో కీలక పరిణామం.. వదినా మరదళ్ల ఆప్యాయ ఆలింగనం.. VIDEO