CM Nitish Kumar | పాట్నా, జూలై 24: బీహార్ ముఖ్యమంత్రి నితీశ్ కుమార్ బుధవారం అసెంబ్లీలో సహనాన్ని కోల్పోయి విపక్ష మహిళా ఎమ్మెల్యేపై వివక్షాపూరిత వ్యాఖ్యలు చేశారు. రాష్ట్రం సవరించిన రిజర్వేషన్ చట్టాన్ని రాజ్యాంగంలోని 9వ షెడ్యూల్లో పొందుపరచాలని ఆర్జేడీకి చెందిన మహిళా ఎమ్మెల్యేలు డిమాండ్ చేశారు. రిజర్వేషన్లకు నితీశ్ వ్యతిరేకమని పేర్కొన్నారు.
‘నితీశ్ కుమార్ డౌన్ డౌన్’ అంటూ నినాదాలు చేశారు. దీంతో నితీశ్ సహనాన్ని కోల్పోయారు. వారిపై, ముఖ్యంగా రేఖాదేవి అనే ఎమ్మెల్యేపై వేలెత్తి చూపుతూ గట్టిగా అరిచారు. ‘నువ్వొక మహిళవు. నీకేమీ తెలియదు. నేను అధికారం చేపట్టాకే బీహార్లో మహిళలకు ప్రయోజనాలు దక్కాయి. అది నీకు తెలుసా?’ అంటూ గట్టిగా అరిచారు.