లక్నో: మహిళలు పెద్ద సంఖ్యలో కాంగ్రెస్ కార్యాలయం వద్ద బారులు తీరారు. లోక్సభ ఎన్నికల్లో హామీ ఇచ్చిన లక్ష గ్యారెంటీ కార్డు (lakh guarantee card) కోసం డిమాండ్ చేశారు. ప్రచారం సమయంలో పంపిణీ చేసిన గ్యారెంటీ కార్డులను కాంగ్రెస్ కార్యాలయంలో సమర్పించిన కొందరు రసీదులు కూడా పొందారు. కేంద్రంలో తాము అధికారంలోకి వస్తే ప్రతి పేద మహిళకు ఏడాదికి రూ.లక్ష ఇస్తామని కాంగ్రెస్ పార్టీ హామీ ఇచ్చింది. ‘ఘర్ ఘర్ హామీ’ కార్యక్రమం కింద 25 పథకాలు పేర్కొంది. దారిద్య్ర రేఖకు దిగువన ఉన్న కుటుంబంలో పెద్ద అయిన మహిళ బ్యాంకు ఖాతాలో నెలకు రూ.8,500 జమ చేస్తామని హామీ ఇచ్చింది.
కాగా, లోక్సభ ఎన్నికల ఫలితాల్లో ఉత్తరప్రదేశ్లోని మొత్తం సీట్లలో సగం వరకు ‘ఇండియా’ కూటమి దక్కించుకున్నాయి. ఈ నేపథ్యంలో రాజధాని లక్నోలోని కాంగ్రెస్ పార్టీ కార్యాలయం వద్ద మహిళలు పెద్ద సంఖ్యలో క్యూ కట్టారు. ఎన్నికల సమయంలో కాంగ్రెస్ పార్టీ హామీ ఇచ్చిన లక్ష గ్యారంటీ కార్డుల కోసం డిమాండ్ చేశారు. పలు ఇండ్లకు పంపిణీ చేసిన ‘ లక్ష గ్యారెంటీ కార్డు’కు సంబంధించిన ఫారాలను కొందరు పూర్తి చేశారు. కాంగ్రెస్ కార్యాలయంలోని సిబ్బందికి వాటిని ఇచ్చి రసీదు కూడా పొందారు. రూ.లక్ష నగదు తమ బ్యాంకు ఖాతాలో జమ అవుతుందని ఆ మహిళలు ఆశిస్తున్నారు.