లక్నో: ప్రేమకు అంగీకరించ లేదన్న కోపంతో యువతి, ఆమె తల్లిపై ఒక వ్యక్తి యాసిడ్తో దాడి చేశాడు. (Acid Attack) గాయపడిన వారిద్దరూ చికిత్స పొందుతున్నారు. ఈ విషయం తెలుసుకున్న పోలీసులు నిందితుడ్ని అరెస్ట్ చేశారు. ఉత్తరప్రదేశ్లోని అయోధ్యలో ఈ సంఘటన జరిగింది. బుధవారం 24 ఏళ్ల వ్యక్తి పొరుగున్న ఉండే యువతి, ఆమె తల్లిపై యాసిడ్ పోశాడు. అనంతరం అక్కడి నుంచి పారిపోయాడు.
కాగా, సమాచారం అందుకున్న పోలీసులు వెంటనే సంఘటనా స్థలానికి చేరుకున్నారు. యాసిడ్ దాడిలో గాయపడిన యువతి, ఆమె తల్లిని ప్రభుత్వ ఆసుపత్రికి తరలించి చికిత్స అందించారు. ఈ సంఘటనపై కేసు నమోదు చేసి దర్యాప్తు జరిపారు. నిందితుడ్ని అరెస్ట్ చేసినట్లు పోలీసులు తెలిపారు. పొరుగున ఉండే మహిళను ఆ వ్యక్తి ప్రేమిస్తున్నాడని చెప్పారు. అయితే ఆమె దానికి ఒప్పుకోకపోవడంతో ఆగ్రహంతో యాసిడ్ దాడికి పాల్పడినట్లు వెల్లడించారు.