లక్నో: వర్షం నీటితో రోడ్డు నిండిపోయింది. దీంతో ఆ నీటిలో నడిచి వెళ్తే దుస్తులు తడుస్తాయని మెడికల్ కాలేజీ ప్రిన్సిపాల్ భావించారు. ఈ నేపథ్యంలో సిబ్బంది స్ట్రెచర్పై ఆయనను బయటకు తీసుకెళ్లారు. (Medical College Principal Taken Out On A Stretcher) ఈ వీడియో క్లిప్ సోషల్ మీడియాలో వైరల్ అయ్యింది. ఉత్తరప్రదేశ్లోని షాజహాన్పూర్లో ఈ సంఘటన జరిగింది. ఉత్తరప్రదేశ్లో భారీ వర్షాలు కురుస్తున్నాయి. దీంతో షాజహాన్పూర్లోని పలు ప్రాంతాలు జలమయమయ్యాయి. ప్రభుత్వ మెడికల్ కాలేజీ ఆసుపత్రి కూడా నీట మునిగింది. ఈ నేపథ్యంలో తన కారు వద్దకు నీటిలో నడిచి వెళ్లేందుకు మెడికల్ కాలేజీ ప్రిన్సిపాల్ రాజేష్ కుమార్ సంశయించారు. దుస్తులు నీటిలో తడవకుండా ఉండేందుకు స్ట్రెచర్పై బయటకు వెళ్లారు. ఒక స్ట్రెచర్పై ఆయన కూర్చోగా సిబ్బంది దానిని లాక్కెళ్లారు. రాజేష్ కుమార్ బ్యాగ్, ఇత్తర వస్తువులను కూడా మరో స్ట్రెచర్పై తీసుకెళ్లారు. ఈ సందర్భంగా కర్చీఫ్తో తన ముఖాన్ని దాచుకునేందుకు ఆయన ప్రయత్నించారు.
కాగా, ఈ వీడియో క్లిప్ సోషల్ మీడియాలో వైరల్ అయ్యింది. ఈ నేపథ్యంలో మెడికల్ కాలేజీ ప్రిన్సిపాల్ రాజేష్ కుమార్ తీరుపై విమర్శలు వెల్లువెత్తాయి. అయితే ఈ విమర్శలను ఆయన ఖండించారు. తన చర్యను సమర్థించుకున్నారు. షాజహాన్పూర్ను వరదలు ముంచెత్తడంతో మెడికల్ కాలేజీ కూడా జలమయమైందని తెలిపారు. సుమారు 300 మంది రోగులు, సిబ్బంది, ఇతరులు ఇక్కడ చిక్కుకున్నారని చెప్పారు.
మరోవైపు అంబులెన్స్లు, బస్సుల ద్వారా రోగులను సురక్షిత ప్రాంతానికి తరలిస్తున్నట్లు రాజేష్ కుమార్ తెలిపారు. ‘నీరు భయంకరంగా పెరిగింది. అంబులెన్స్ ద్వారా బయటకు వెళ్లేందుకు ప్రయత్నించా. నా కాలికి గాయం ఉంది. మధుమేహం కూడా ఉంది. దాని కారణంగా నేను నడవలేకపోతున్నా. నా వద్ద పని చేసే సిబ్బందితో మాట్లాడా. స్ట్రెచర్పై తీసుకెళ్తామని వారు చెప్పారు. మెడికల్ కాలేజీ నుంచి స్ట్రెచర్పై బయటకు వచ్చా’ అని అన్నారు.
पेंट गीली न हो जाए, इसलिए मेडिकल कॉलेज के प्रिंसिपल स्ट्रेचर पर बैठकर निकले। स्ट्रेचर खींचने के लिए 4 कर्मचारी लगे हुए थे।
📍जिला शाहजहांपुर, उत्तर प्रदेश pic.twitter.com/yNz25N80og— Sachin Gupta (@SachinGuptaUP) July 13, 2024