ముంబై: ఒక యువతి మొబైల్ ఫోన్లో మాట్లాడుతూ ఇంటి టెర్రస్ పైనుంచి కింద పడింది. (Woman Falls Off Terrace) రక్తం మడుగుల్లో ఉన్న ఆమెను హుటాహుటిన ఆసుపత్రికి తరలించారు. అయితే ఆ యువతి అప్పటికే మరణించినట్లు డాక్టర్లు నిర్ధారించారు. మహారాష్ట్రలోని నాగపూర్లో ఈ సంఘటన జరిగింది. 18 ఏళ్ల మాన్సీ అబేద్వార్ 12వ తరగతి పాస్ అయ్యింది. కుటుంబంతో కలిసి గోపాల్నగర్ బస్టాప్ సమీపంలోని అద్దె ఇంట్లో నివసిస్తున్నది. బుధవారం మధ్యాహ్నం 2 గంటల సమయంలో మాన్సీ ఇంటి టెర్రస్పైకి వెళ్లింది. చిన్నగోడపై కూర్చొన్న ఆమె మొబైల్ ఫోన్లో ఫ్రెండ్తో మాట్లాడటంలో బిజీ అయ్యింది. అయితే అదుపుతప్పిన ఆమె టెర్రస్ పై నుంచి కిందపడింది.
కాగా, మాన్సీ అరుపులు విన్న తల్లి, సోదరుడు వెంటనే బయటకు వచ్చి చూశారు. రక్తం మడుగుల్లో పడి ఉన్న ఆమెను సమీపంలోని ఆసుపత్రికి తరలించారు. అయితే ఆ యువతి అప్పటికే మరణించినట్లు డాక్టర్లు తెలిపారు. ఈ విషయం తెలుసుకున్న పోలీసులు ప్రమాద మృతిగా కేసు నమోదు చేసి దర్యాప్తు చేస్తున్నారు.