రిలయన్స్ ఇండస్ట్రీస్ అధిపతి, పారిశ్రామిక దిగ్గజం ముఖేష్ అంబానీ కుమారుడు అనంత్ అంబానీ-రాధికా మర్చంట్ వివాహ వేడుకలకు ముంబై సిద్ధమైంది. అత్యంత అట్టహాసంగా జరగనున్న ఈ వెడ్డింగ్కు దేశ విదేశాల నుంచి ప్రముఖులు, పారిశ్రామికవేత్తలు, సినీ సెలబ్రిటీలు, రాజకీయ నేతలు, క్రీడాకారులు తరలివస్తున్నారు.
ఇక పశ్చిమ బెంగాల్ సీఎం మమతా బెనర్జీ ముంబై చేరుకున్నారు. దేశ వాణిజ్య రాజధానిలో శుక్రవారం జరగనున్న కార్పొరేట్ దిగ్గజం ముఖేశ్ అంబానీ చిన్న కుమారుడు అనంత్ అంబానీ – రాధికా మర్చంట్ వివాహ వేడుకల్లో ఆమె పాల్గొననున్నారు. వివాహ వేడుకల నేపథ్యంలో బాంద్రా కుర్లా ప్రాంతంలో (Bandra Kurla Complex) పోలీసులు మూడు రోజులపాటు పలు ఆంక్షలు కూడా విధించారు.
పారిశ్రామికవేత్త వీరెన్ మర్చెంట్ కుమార్తె రాధికతో అనంత్ వివాహం జులై 12న జరగనున్న విషయం తెలిసిందే. ఈ వివాహానికి ముంబై నడిబొడ్డున ఉన్న బాంద్రా కుర్లా కాంప్లెక్స్లో గల జియో వరల్డ్ కన్వెన్షన్ సెంటర్ వేదిక కానుంది. జులై 12న ముఖ్య ఘట్టమైన ‘శుభ్ వివాహ్’తో మొదలయ్యే ఈ వేడుకలు.. జులై 13న ‘శుభ్ ఆశీర్వాద్’, జులై 14న ‘మంగళ్ ఉత్సవ్’తో ముగుస్తాయి. ఇప్పటికే పెళ్లి ఏర్పాట్లు కూడా పూర్తైనట్లు తెలుస్తోంది.
Read More :
Raj Tarun | రాజ్తరుణ్ కేసులో రోజుకో ట్విస్ట్.. రూ.70 లక్షలు ఇచ్చాం : లావణ్య