Amritpal Singh | ఖలిస్థాన్ సానుభూతిపరుడు అమృత్పాల్ సింగ్ (Amritpal Singh) జైలు నుంచి విడుదలయ్యారు. ఇటీవలే జరిగిన లోక్సభ (Lok Sabha) ఎన్నికల్లో పంజాబ్లోని ఖదూర్ సాహిబ్ నియోజకవర్గం నుంచి ఆయన విజయం సాధించిన విషయం తెలిసిందే. ఈ నేపథ్యంలో ఎంపీగా ప్రమాణ స్వీకారం చేసేందుకు అమృత్పాల్కు న్యాయస్థానం పెరోల్ ఇచ్చింది. శుక్రవారం (ఈరోజే) ఆయన ఎంపీగా ప్రమాణ స్వీకారం చేయనున్నారు. ఈ నేపథ్యంలో ఇవాళ ఉదయం అస్సాంలోని ధిబ్రూగఢ్ జైలు (Dibrugarh jail) నుంచి బయటకు వచ్చారు.
వారిస్ పంజాబ్ దే అధిపతి అయిన అమృత్పాల్ సింగ్ ఫిబ్రవరి 23న అరెస్టైన విషయం తెలిసిందే. ప్రస్తుతం అతడు ధిబ్రూగఢ్ జైలులో ఉన్నారు. అయితే, ఇటీవలే జరిగిన లోక్సభ ఎన్నికల్లో జైలు నుంచే పోటీ చేసి విజయం సాధించారు. దీంతో ఎంపీగా ప్రమాణ స్వీకారం చేసేందుకు అమృత్పాల్కు అమృత్సర్ జిల్లా మెజిస్ట్రేట్ పెరోల్ జారీ చేసింది. ఇవాళ్టి నుంచి నాలుగు రోజులపాటు షరతులతో కూడిన పెరోల్ ఇచ్చింది. కారాగారం నుంచి ఢిల్లీకి వెళ్లి, తిరిగి కారాగారానికి చేరుకోవాల్సి ఉంటుంది. ఈ సందర్భంగా కుటుంబ సభ్యులను కలిసేందుకు కూడా కోర్టు అనుమతించింది. ఢిల్లీని వదిలి మాత్రం ఎక్కడికీ వెళ్లకూడదని పేర్కొంది. ఢిల్లీలో ఉన్నప్పుడు అమృత్పాల్ గానీ, ఆయన కుటుంబ సభ్యులు గానీ మీడియా ప్రకటనలు చేయకూడదని స్పష్టం చేసింది.
#WATCH | Assam: Waris Punjab De Chief Amritpal Singh taken out of Dibrugarh jail. He is likely to take oath as Lok Sabha MP in Delhi.
Amritpal Singh won the Khadoor Sahib parliamentary seat in Punjab. pic.twitter.com/EbVbbQ00fI
— ANI (@ANI) July 5, 2024
Also Read..
Hathras Stampede | హత్రాస్లో రాహుల్ గాంధీ.. బాధిత కుటుంబాలకు పరామర్శ
Rishi Sunak | నన్ను క్షమించండి.. ఓటమిని అంగీకరించిన రిషి సునాక్
TGPSC | టీజీపీఎస్సీ ముట్టడి.. రాష్ట్రవ్యాప్తంగా నిరుద్యోగుల అక్రమ అరెస్టులు