VK Sasikala : తమిళనాడు (Tamil Nadu)లోని కళ్లకురిచి (Kallakurichi)లో నాటు సారా తాగిన (Toxic Alcohol) ఘటనలో మృతుల సంఖ్య అంతకంతకూ పెరుగుతోంది. అస్వస్థతకు గురైన మరో 60 మందికిపైగా కళ్లకురిచి ప్రభుత్వ మెడికల్ కాలేజీలో చికిత్స తీసుకుంటున్నారు.
వీరిలో కొందరి పరిస్థితి విషమంగా ఉన్నట్లు తెలుస్తోంది. మెరుగైన చికిత్స కోసం వారిని పుదుచ్చేరిలోని జిప్మర్ దవాఖానకు తరలించారు. ఈ మరణాలకు రాష్ట్ర ప్రభుత్వమే బాధ్యత వహించాలని తమిళనాడు మాజీ సీఎంకు అత్యంత సన్నిహితురాలు వీకే శశికళ ఆరోపించారు. కళ్లకురిచి ప్రభుత్వ వైద్య కళాశాలలో చికిత్స పొందుతున్న బాధితులను ఆమె పరామర్శించారు.
ఈ ఘటనకు బాధ్యులైన వారిని వారం రోజుల్లోగా అరెస్ట్ చేయాలని సంబంధిత అధికారులను బదిలీలతో సరిపెట్టకుండా సస్పెండ్ చేయాలని డిమాండ్ చేశారు. ప్రభుత్వం తక్షణ చర్యలను చేపట్టకుంటే ప్రజలే నిర్ణయం తీసుకుంటారని శశికళ అన్నారు. ప్రభుత్వానికి తెలియకుండా ఈ ఘటన జరిగే అవకాశం ఉందని తాను అనుకోవడం లేదని ఆమె పేర్కొన్నారు.