ఆగ్రా: ఇటీవలి కాలంలో విడాకులు ఎంతగా అపహాస్యం అవుతున్నాయో చెప్పేందుకు ఇది తాజా ఉదాహరణ. భర్త తన కోసం కుర్కురే ప్యాకెట్ తీసుకురాలేదన్న కారణంతో అలిగి పుట్టింటికి వెళ్లిపోయిన భార్య విడాకులకు దరఖాస్తు చేసుకుంది. ఉత్తరప్రదేశ్లోని ఆగ్రాలో జరిగిందీ ఘటన. ఆమెకు ప్రతి రోజూ కుర్కురేను చిరుతిండిగా తినడం అలవాటు. భర్త రోజూ రూ. 5 కుర్కురే ప్యాకెట్ తీసుకొచ్చి ఆమెను సంతోషపెట్టేవాడు. ఒక రోజు ఉత్త చేతులతో ఇంటికొచ్చిన భర్తను చూసిన భార్య వెంటనే పెట్టేబేడా సర్దుకుని పుట్టింటికి వెళ్లిపోయింది. ఆ తర్వాత పోలీస్ స్టేషన్కు వెళ్లి తనకు విడాకులు ఇప్పించాలని కోరుతూ ఫిర్యాదు చేసింది. స్పందించిన పోలీసులు దంపతులిద్దరికీ కౌన్సెలింగ్ ఇప్పించాలని నిర్ణయించారు. ఇటీవలి కాలంలో ఇలాంటి చిన్న కారణాలతో విడాకులు కోరుతున్న వారి సంఖ్య బాగా పెరుగుతున్నది. పెళ్లయి 18 నెలలు అయినా భర్త తనతో గొడవపడడం లేదని, అతడి నుంచి తనకు విడాకులు ఇప్పించాలని యూపీ మహిళ అప్పట్లో కోర్టుకెక్కడం సంచలనమైంది.