Uttar Pradesh | న్యూఢిల్లీ, మే 11: ఉత్తరప్రదేశ్లోని బరేలీలో గల ఫరిదాపూర్ పోలీస్ స్టేషన్ పరిధిలో దారుణం చోటుచేసుకుంది. ఓ బాలికపై ఇద్దరు యువకులు లైంగిక దాడికి పాల్పడ్డారు. శనివారం పోలీసులు తెలిపిన కథనం ప్రకారం లైంగిక దాడి అనంతరం నిందితులు ఆమె కాళ్లు, చేతులు కట్టేసి ఓ ట్రాలీ కింద పడేసి పారిపోయారు.
లైంగిక దాడి సమాచారం అందుకొన్న వెంటనే పోలీసులు ఆమెను రక్షించారు. బాధితురాలు స్పృహలోకి రావడానికి చాలా సమయం పట్టింది. తర్వాత ఆమెను కుటుంబ సభ్యులకు అప్పగించారు. బాధితురాలి వాంగ్మూలం ఆధారంగా నిందితులపై పోలీసులు కేసు నమోదు చేసి దర్యాప్తు చేస్తున్నారు.