పాట్నా: కేంద్ర మంత్రి అయిన బీజేపీ అభ్యర్థిపై దాడి జరిగింది. ఆయన కాన్వాయ్పై కాల్పులు జరిగాయి. ఈ సంఘటన నుంచి ఆయన తృటిలో తప్పించుకున్నారు. (Ram Kripal Yadav) బీజేపీ కార్యకర్తకు తీవ్ర గాయాలయ్యాయి. బీహార్లోని పాటలీపుత్రలో ఈ సంఘటన జరిగింది. లోక్సభ ఎన్నికల ఏడో, చివరి దశ ఓటింగ్ సందర్భంగా పాటలీపుత్ర స్థానానికి శనివారం పోలింగ్ జరిగింది. స్థానిక ఆర్జేడీ ఎమ్మెల్యే రేఖా పాశ్వాన్ పోలింగ్ బూత్ను సందర్శించారు. ఈ సందర్భంగా ఆమె మద్దతుదారులు గ్రామస్తుల మధ్య వాగ్వాదం జరిగింది.
కాగా, కేంద్ర మంత్రి, బీజేపీ అభ్యర్థి రామ్ కృపాల్ యాదవ్కు ఈ విషయం తెలిసింది. దీంతో ఆయన ఆ పోలింగ్ బూత్ వద్దకు చేరుకున్నారు. గ్రామస్తులతో మాట్లాడిన తర్వాత తిరిగి వెళ్తుండగా మార్గమధ్యలో ఆయన కాన్వాయ్పై రాళ్ల దాడి, కాల్పులు జరిగాయి. తప్పించుకున్న ఆయన అక్కడి నుంచి వెళ్లిపోయారు. అయితే మద్దతుదారులపై దాడి జరుగడంతో ఒకరు తీవ్రంగా గాయపడ్డాడు. ఈ నేపథ్యంలో కేంద్ర మంత్రి మద్దతుదారులు రోడ్డును దిగ్బంధించి నిరసనకు దిగారు. ట్రాఫిక్ స్తంభించడంతో పోలీసుల జోక్యంతో నిరసన విరమించారు. పోలీసులు ఈ సంఘటనపై దర్యాప్తు చేస్తున్నారు.