న్యూఢిల్లీ: కేంద్ర న్యాయ మంత్రిత్వ శాఖ అమలు చేస్తున్న ఈ-కోర్టుల ప్రాజెక్టులో మూడో దశ కోసం 2024-25 ఆర్థిక సంవత్సరం కేంద్ర బడ్జెట్లో రూ.1,500 కోట్లు కేటాయించారు. ఈ ప్రాజెక్టులో భాగంగా కింది కోర్టుల్లో డిజిటల్ ఇన్ఫ్రాస్ట్రక్చర్ను అప్గ్రేడ్ చేస్తారు.
ఈ-కోర్టుల ప్రాజెక్టులోని మూడో దశను కేంద్ర క్యాబినెట్ గత ఏడాది సెప్టెంబరులో ఆమోదించింది. దీనికి రూ.7,210 కోట్లు ఖర్చవుతుందని తెలిపింది. అన్ని కోర్టుల్లోని అన్ని రికార్డులను డిజిటలైజ్ చేస్తారు. దీనికి నాలుగేళ్ల సమయం పడుతుందని అంచనా వేశారు. దీని కోసం రూ.2,038.40 కోట్లు ఖర్చవుతుందని, మొత్తం 3,108 కోట్ల డాక్యుమెంట్లను డిజిటలైజ్ చేయవలసి ఉంటుందని ఓ అధికారి చెప్పారు.