న్యూఢిల్లీ, జూలై 24: కేంద్ర బడ్జెట్లో ఈసారి పొగరాయుళ్లకు ఉపశమనం లభించింది. మంగళవారం పార్లమెంట్లో ప్రవేశపెట్టిన కేంద్ర బడ్జెట్ 2024-25లో పొగాకు ఉత్పత్తులపై పన్నులో కేంద్రం ఎలాంటి మార్పులు చేయలేదు.
ప్రతి బడ్జెట్లో పన్నులు పెంచే జాబితాలో తప్పనిసరిగా ఉండే పొగాకు ఉత్పత్తుల్ని, మోదీ సర్కార్ ఈసారి ముట్టుకోలేదు. దీంతో దేశంలో ప్రముఖ సిగరెట్ల తయారీ కంపెనీ ‘ఐటీసీ’ షేర్లు 5శాతం పెరిగాయి. ఏటా ప్రతి బడ్జెట్లో పొగాకు ఉత్పత్తులపై కేంద్రం ‘నేషనల్ కలామిటీ కంటింజెంట్ డ్యూటీ’ (ఎన్సీసీడీ) పేరుతో పన్నులు పెంచేది. దీంతో పొగతాగే వాళ్ల జేబుకు పెద్ద ఎత్తున చిల్లు పెడుతూ వస్తున్నది. గత ఏడాది ఎన్సీసీడీ పన్ను రేట్లు 16శాతం పెరిగాయి.