న్యూఢిల్లీ, జూలై 23: ఇన్సాల్వెన్సీ ఎకోసిస్టమ్ను మెరుగుపర్చడానికి, ట్రిబ్యునళ్ల బలోపేతానికి కేంద్ర ప్రభుత్వం ఓ ఇంటిగ్రేటెడ్ టెక్నాలజీ వేదికను ఏర్పాటు చేయనున్నది. ఈ మేరకు దివాలా స్మృతి (ఐబీసీ)లో మార్పులు తెస్తామని బడ్జెట్లో కేంద్ర ఆర్థిక శాఖ మంత్రి నిర్మలా సీతారామన్ ప్రకటించారు. 2016లో ఈ చట్టం అమల్లోకి వచ్చిన విషయం తెలిసిందే. అయితే ఇప్పటిదాకా 6సార్లు సవరణలు చేశారు. కాగా, వెయ్యికిపైగా కంపెనీల కేసులను ఐబీసీ ద్వారా పరిష్కారం చేశారు.
దీంతో బ్యాంకర్లు, ఇతర రుణదాతలకు నేరుగా రూ.3.3 లక్షల కోట్ల బకాయిలు వసూలయ్యాయి. ప్రస్తుతం దేశవ్యాప్తంగా 15 నగరాల్లో నేషనల్ కంపెనీ లా ట్రిబ్యునళ్లు (ఎన్సీఎల్టీ) ఉన్నాయి. దేశ రాజధాని నగరం ఢిల్లీలో ప్రధాన ధర్మాసనం ఉన్నది. అలాగే ఢిల్లీతోపాటు చెన్నైలో నేషనల్ కంపెనీ లా అప్పీలెట్ ట్రిబ్యునల్ (ఎన్సీఎల్ఏటీ) ధర్మసనాలున్నాయి. ఈ నేపథ్యంలో కేసులు ఇంకా త్వరగా పరిష్కారమయ్యేలా ఎన్సీఎల్టీ బెంచ్లను మరిన్ని తెస్తామని కేంద్రం చెప్తున్నది.