అమ్రేలీ: గుజరాత్లో రైలు ఢీకొన్న ఘటనలో రెండు సింహాలు తీవ్రంగా గాయపడ్డాయి(lions injured). అమ్రేలీ జిల్లాలోని హతీగడ్-బేసన్ రూట్లో ఈ ఘటన జరిగింది. భారీ వర్షం పడుతున్న సమయంలో.. ఈ ప్రమాదం జరిగింది. ఈ ప్రమాదంలో తొమ్మిదేళ్ల సింహానికి తీవ్ర గాయాలు అయ్యాయి. ప్రమాదం జరిగిన తర్వాత మహువా సూరత్ ప్యాసింజర్ రైలును గంట పాటు నిలిపేశారు. అటవీ శాఖ సిబ్బంది ప్రమాదం జరిగిన ప్రాంతానికి తక్షణమే చేరుకున్నది. రైలు ఢీకొని గాయపడిన సింహాన్ని .. అటవీ శాఖ చికిత్స కోసం వైల్డ్లైఫ్ సంరక్షణ కేంద్రానికి తరలించింది.
మరో చోట కూడా మరో సింహాన్ని ట్రైన్ ఢీకొన్నది. దీంతో సింహం సంరక్షకులు, స్థానికులు ఆందోళన వ్యక్తం చేశారు. భద్రతను పెంచి, ఇలాంటి సంఘటనలు జరగకుండా చర్యలు తీసుకోవాలని అధికారులు సమీక్షిస్తున్నారు. గాయపడ్డ సింహాలకు ఇంటెన్సివ్ మెడికల్ కేర్ను కల్పిస్తున్నట్లు అటవీశాఖ హామీ ఇచ్చింది.