కోల్కతా: నీట్ పరీక్షపై నిరసన గళం విప్పిన రాష్ర్టాలలో పశ్చిమ బెంగాల్ కూడా చేరింది. వైద్య విద్యా సంస్థలలో ప్రవేశం కోసం దేశ వ్యాప్తంగా నిర్వహిస్తున్న నీట్ను రద్దు చేసి, ఆయా రాష్ర్టాలే వాటిని నిర్వహించుకునేలా పూర్వపు పరీక్షా విధానాన్ని పునరుద్ధరించాలని బెంగాల్లోని అధికార తృణమూల్ కాంగ్రెస్ పార్టీ కోరింది. ఈ మేరకు ఆ పార్టీ బుధవారం అసెంబ్లీలో తీర్మానాన్ని ఆమోదించింది. ఇలా నీట్ను వ్యతిరేకిస్తూ తీర్మానం చేసిన రాష్ర్టాల జాబితాలో బెంగాల్ రెండవది. అంతకుముందు తమిళనాడు కూడా నీట్ తమకు వద్దంటూ అసెంబ్లీలో తీర్మానించింది.