Mallikarjun Khage : కేంద్ర ఆర్థిక మంత్రి నిర్మలా సీతారామన్ ఇవాళ పార్లమెంట్లో ప్రవేశపెట్టిన బడ్జెట్పై ప్రతిపక్షాలు పెదవి విరుస్తున్నాయి. ఈ కేంద్ర బడ్జెట్తో సామాన్యులకు ఒరిగేదేమీ లేదని విమర్శలు చేస్తున్నాయి. ఇప్పుడు కాంగ్రెస్ పార్టీ జాతీయ అధ్యక్షుడు మల్లికార్జున్ ఖర్గే కూడా కేంద్ర బడ్జెట్పై స్పందించారు. తాజా బడ్జెట్ తనను తీవ్ర నిరాశకు గురిచేసిందని అన్నారు.
‘ఈ బడ్జెట్ ఒక నిరుత్సాహపర్చే బడ్జెట్. ఇది కేవలం అధికార పీఠాన్ని కాపాడుకునే బడ్జెట్. రైతులు పండించిన పంటలకు మద్దతు ధర, ఎరువులపై రాయితీకి సంబంధించి ఈ బడ్జెట్లో ప్రకటన చేస్తారని మేం ఆశించాం. కానీ ప్రభుత్వం ఆ ప్రస్తావనే తీసుకురాలేదు. ఈ మధ్య కాలంలో రైల్వే ప్రమాదాలు బాగా పెరిగిపోయాయి. కానీ రైల్వే ట్రాక్లను మెరుగుపర్చడంపైగానీ, రైల్వే ప్రయాణికుల భద్రతపైగానీ ప్రభుత్వం దృష్టి సారించకపోవడం దురదృష్టకరం’ అని ఖర్గే వ్యాఖ్యానించారు.
ఇవాళ కేంద్ర ఆర్థిక మంత్రి నిర్మలా సీతారామన్ లోక్సభలో బడ్జెట్ ప్రవేశపెట్టారు. ఈ బడ్జెట్లో ప్రధాన మిత్రపక్షాలైన జేడీయూ, టీడీపీ అధికారంలో ఉన్న రాష్ట్రాలకు మాత్రమే కేంద్రం భారీగా కేటాయింపులు చేసింది. గత లోక్సభ ఎన్నికల్లో రాష్ట్ర ప్రజలు 8 మంది బీజేపీ అభ్యర్థులను ఎంపీలుగా గెలిపించినా బడ్జెట్లో తెలంగాణ ఊసే లేకపోవడం గమనార్హం.