Loksabha Elections 2024 : లోక్సభ ఎన్నికల్లో బీజేపీకి సొంతగా ప్రభుత్వ ఏర్పాటుకు అవసరమైన మ్యాజిక్ ఫిగర్ లభించకపోవడంతో ఢిల్లీ కేంద్రంగా రాజకీయ పరిణామాలు ఆసక్తికరంగా సాగుతున్నాయి. మరోవైపు బీజేపీ ఐదేండ్ల పాటు స్ధిరమైన ప్రభుత్వాన్ని అందించలేదని తాము భావిస్తున్నామని విపక్ష కూటమి భాగస్వామి, వీసీకే వ్యవస్ధాపక అధ్యక్షుడు తిరుమవలవన్ అన్నారు.
కొద్దినెలల్లోనే ఎన్డీయే సంకీర్ణంలో ఇబ్బందులు ఎదురవుతాయని, సరైన సమయంలో తాము సరైన చర్యలు చేపడతామని చెప్పారు. కాంగ్రెస్ చీఫ్ మల్లికార్జున్ ఖర్గే నివాసంలో గురువారం విపక్ష ఇండియా కూటమి భేటీలో జరిగిన చర్చల వివరాలను ఆయన ప్రస్తావించారు.
లోక్సభ ఎన్నికల ఫలితాల అనంతరం ప్రస్తుత పరిస్ధితిపై తాము విస్తృతంగా చర్చించామని తెలిపారు. ఎన్డీయే సంకీర్ణ సర్కార్ ఎక్కువ కాలం మనుగడ సాగించలేదనే అభిప్రాయం ఈ సమావేశంలో వ్యక్తమైందని అన్నారు.
Read More :